Cichanoŭskaja padaryła Naŭrockamu niekalki knih na biełaruskaj movie. Jakija?
Heta adzin ź lubimych piśmieńnikaŭ polskaha prezidenta.
U varšaŭskim pałacy Bielvieder 13 studzienia prajšoŭ kaladny pryjom u prezidenta Polščy Karala Naŭrockaha. Na jaho pa tradycyi zaprasili pradstaŭnikoŭ biełaruskaj dyjaspary. U hety ž dzień była sustreča Naŭrockaha i Śviatłany Cichanoŭskaj. Jaje daradca Dzianis Kučynski raskazaŭ «Našaj Nivie» pra niekatoryja detali.
Cichanoŭskaja i Naŭrocki abmierkavali hieapalityčnyja pytańni, padtrymku biełarusaŭ u Polščy, supracoŭnictva pamiž prezidentam Polščy i biełaruskimi demakratyčnymi siłami. Pahavaryli i pra kulturu.
Adzin ź lubimych piśmieńnikaŭ Naŭrockaha — Siarhiej Piasiecki, jaki naradziŭsia ŭ Biełarusi.
«Śviatłana Cichanoŭskaja padaryła prezidentu biełaruskija pierakłady Piasieckaha. Heta adzin ź jahonych samych ulubionych aŭtaraŭ. Jana padaryła jaho ŭlubionuju knihu «Kachanak Vialikaj Miadźviedzicy», a taksama «Mienskuju tryłohiju», — padzialiŭsia Kučynski. —
Prezident adznačyŭ: «U Polščy jaje nazyvajuć «Zładziejskaja tryłohija», ale ja cudoŭna viedaju, što bolšaść dziejańniaŭ u jahonych knihach adbyvajecca ŭ Biełarusi», — i padkreśliŭ, što heta «vydatny prykład taho, jak našy kultura i historyja ŭzajemaźviazanyja». I Siarhiej Piasiecki — adzin ź vielmi dakładnych simbalaŭ hetaj supolnaj polska-biełaruskaj litaratury i historyi».
Kučynski dadaŭ, što na sustrečy damovilisia, što buduć šukać mahčymaść usie knihi Piasieckaha pierakłaści na biełaruskuju movu.
Naŭrocki cikaviŭsia taksama teatralnymi pastanoŭkami pavodle Piasieckaha.
«Jon kazaŭ, što ŭ Polščy mieŭ dośvied pracy z prajektami śpiektaklaŭ, pastaŭlenych pa jahonych knihach, i pytaŭsia pra biełaruskija pastanoŭki — i pra toje, ci možna było b pakazvać takija pracy ŭ Polščy dla biełaruskaj aŭdytoryi. My adznačyli, što taki dośvied užo jość: naprykład, «Zapiski aficera Čyrvonaj armii» stavili kupałaŭcy. I my abmierkavali, jak raźvivać padobnyja pastanoŭki pa Piasieckim u Polščy».
Zakranuli taksama temu histaryčnaj pamiaci. «My prapanavali kancept taho, jak moh by vyhladać Instytut nacyjanalnaj pamiaci ŭ biełaruskim kantekście, i prezident skazaŭ, što najbližejšym časam paznajomić nas z kiraŭnictvam Instytuta nacyjanalnaj pamiaci Polščy».
Abmiarkoŭvali taksama mahčymyja supolnyja pamiatnyja i kulturnyja mierapryjemstvy dla biełarusaŭ i palakaŭ.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary