Chulia Ihlesijas adchiliŭ abvinavačańni ŭ seksualnym hvałcie. Palityki i hramadstva ŭ Ispanii burna reahujuć na skandał
Ispanski śpiavak Chulia Ihlesijas źniapraŭdziŭ abvinavačańni ŭ tym, što jon nibyta vykarystoŭvaŭ hvałt u dačynieńni da dźviuch byłych supracoŭnic — damrabotnicy i fizijaterapieŭtki, jakija padali na jaho kryminalnuju skarhu. U publikacyi ŭ sacyjalnych sietkach u čaćvier jon nazvaŭ hetyja abvinavačańni iłžyvymi, piša Bi-bi-si.
«Ja admaŭlaju, što kali-niebudź vykarystoŭvaŭ hvałt, prymus abo prajaŭlaŭ niepavahu da jakoj-niebudź žančyny. Hetyja abvinavačańni absalutna iłžyvyja i pryčyniajuć mnie vielizarny bol», — zajaviŭ 82‑hadovy Ihlesijas u padpisanaj im zajavie, apublikavanaj u Instagram.
Pra abvinavačańni ŭ adras Ihlesijasa stała viadoma raniej na hetym tydni. Vyśvietliłasia, što amierykanski telekanał Univision i ispanskaje vydańnie elDiario.es na praciahu troch hadoŭ viali ŭłasnaje rasśledavańnie, pa vynikach jakoha pravaabarončaja arhanizacyja Women's Link Worldwide 5 studzienia padała aficyjnuju skarhu ŭ sudovyja orhany Ispanii.
Skarha składziena ad imia dźviuch žančyn, paznačanych u dakumientach psieŭdanimami Rebieka i Łaura.
U charaktarystycy Women's Link Worldwide havorycca, što zajaŭnicy — maładyja žančyny z Łacinskaj Amieryki, jakija «znachodzilisia va ŭraźlivym stanoviščy i mocna zaležali ad zarobku z-za svaich ekanamičnych i sacyjalnych umoŭ».
Pavodle viersii boku abvinavačańnia, u 2021 hodzie jany pracavali ŭ karybskich rezidencyjach Ihlesiasa — u Punta-Kanie ŭ Daminikanskaj Respublicy i ŭ Łajfard-Ki na Bahamach — na praciahu dziesiaci miesiacaŭ i ŭ hety pieryjad zaznavali hvałt.
Adna z domrabotnic śćviardžaje, što na jaje cisnuli z metaj ustupleńnia ŭ seksualnyja adnosiny, a taksama što jana zaznavała fizičny i słoŭny hvałt — pracadaŭca nibyta davaŭ joj aplavuchi.
Druhaja byłaja supracoŭnica Ihlesiasa zajaŭlaje, što žyła ŭ atmaśfiery pastajannych damahańniaŭ, i apisvaje niedapuščalnyja dotyki z boku śpievaka, abrazy i źniavahi. Zhodna z pakazańniami, sabranymi ŭ chodzie rasśledavańnia Univision i elDiario.es, Ihlesijas «padviarhaŭ žančyn sieksualnym damahańniam, rehularna praviaraŭ ich mabilnyja telefony, abmiažoŭvaŭ mahčymaść pakidać dom, dzie jany pracavali, i prymušaŭ pracavać da 16 hadzin na dzień biez vychodnych».
Pravaabarončaja arhanizacyja Women's Link Worldwide zajaŭlaje, što ŭ padadzienaj skarzie taksama apisvajucca dziejańni, jakija mohuć być kvalifikavanyja jak handal ludźmi z metaj prymusovaj pracy i parušeńnie pracoŭnych pravoŭ.
Prakuratura Viarchoŭnaha suda Ispanii paviedamiła, što pačała papiaredniaje razhladvańnie skarhi, adnak nie nadała padrabiaznaściaŭ spravy.
«Z hłybokim smutkam ja adkazvaju na abvinavačańni, vyłučanyja dźviuma asobami, jakija raniej pracavali ŭ mianie», — havorycca ŭ zajavie Chulia Ihlesiasa, apublikavanaj u Instagram.
«Ja nikoli nie sutykaŭsia z takoj złościu, ale ŭ mianie ŭsio jašče jość siły raskazać ludziam usiu praŭdu i abaranić svaju hodnaść ad takich surjoznych abvinavačańniaŭ», — dadaŭ jon.
Śpiavak padziakavaŭ svaim prychilnikam za padtrymku i skazaŭ, što «znachodzić vialikaje suciašeńnie ŭ paviedamleńniach», jakija atrymlivaje ad ich u apošnija dni.
Chulia Ihlesijas — adzin z najbolš kamiercyjna paśpiachovych ispanamoŭnych artystaŭ u śviecie, łaŭreat premii «Hremi». Za svaju karjeru jon daŭ sotni kancertaŭ pa ŭsim śviecie i pradaŭ bolš za 300 miljonaŭ zapisaŭ na 14 movach.
Abvinavačańni na adras Ihlesiasa vyklikali burnuju reakcyju ŭ Ispanii: pradstaŭniki levaha ŭrada padtrymali zajaŭnic i zaklikali, kab rasśledavańnie vyjaviła praŭdu.
Lidar kansiervatyŭnaj apazicyjnaj Narodnaj partyi Albierta Nuńjes Fiejchoa, jaki siabruje ź Ihlesiasam, zajaviŭ u sieradu telekanału Telecinco, što jon «vielmi ździŭleny» niečakanymi abvinavačańniami i zaklikaŭ levaje kryło «nie śpiekulavać».
Były mieniedžar Ihlesiasa Fiernan Marcinies skazaŭ Telecinco, što śpiavak zaŭsiody byŭ «vielmi łaskavym čałaviekam» i lubiŭ «fizičny kantakt», adnak padkreśliŭ, što nikoli nie bačyŭ, kab Ihlesijas «pavodziŭ siabie ahresiŭna».
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj77
Kamientary
A voś maładyja mužčyny ź biednych rajonaŭ Mieksiki jeduć na zarobki i traplajuć u rabstva da narka-kartelaŭ. I skardzicca nia mohuć, bo zvyčajna praz paru hod užo niežyvyja. U minułym hodzie na Washington Post było rasśledavańnie, kamu cikava.