Pres-kanfierencyja dla rasijskaj rehijanalnaj presy.
14:42
«Navošta mnie samaloty i rasijskija lotčyki? Dajcie mnie samaloty i chaj lotajuć na ich biełaruskija chłopcy maładyja. My navat ideałahična nie prapuścim.
Ja prašu, dajcie mnie S-300, jakoje ŭ vas pad płotam lažyć. A jany nam — za hrošy prapanoŭvajuć. Ja što, durań, budu vas abaraniać jašče i za svaje hrošy? Nam Rasija kaža, što zbroi nie daść, a sami abaroniać. Nie treba tak, lepš my sami budziem stvarać, ale nie klančyć u Kramla.
My raspracoŭvajem zbroju. Toje, što nie možam zrabić sami, nam dapamahajuć inšyja, nie rasiejcy. Časam biaspłatna. Hetanienarmalna».
14:35
«Biełarusy sabrali ŭ sabie ŭsio lepšaje ad ruskich, palakaŭ, ukraincaŭ, jaŭrejaŭ. Tataraŭ u nas 30 tysiač. Tamu biełarusy i razumnyja, bo ŭziali ŭsio lepšaje. Ja navat nie pra siabie, ja pra biełarusaŭ. Ja ŭkrainiec bolš, napeŭna».
14:28
«Kali fašysty napali na nas, to my vystupili adzinym frontam. A ciapier treba ahulny front? Nie treba nijakich ahulnych frantoŭ, kali Rasija samastojna vystupić».
Zapytalisia pra miratvorcaŭ, jakich nibyta Biełaruś hatovaja adpravić va Ukrainu.
«Usio nie tak było. Žurnalist «Jeŭrańjuza» abvinavaciŭ mianie ŭ prarasijskaści. Dzie jana prarasijskaja? Kab vam na faktach zachodnikam pakazać, jak vy vinavatyja va Ukrainie, moža raskazać Donald Tusk. U mianie byŭ płan pa ŭrehulavańni kanfliktu. Miratvorcam ja być nie chaču, mnie hety imidž nie patrebny. Vybary ja, kali zachaču vyjhraju, biez hetaha imidža miratvorca. Amierykancy najpierš nie pryniali moj płan. Na žal, i rasijanie nie pahadzilisia.
Žurnalist mnie kaža, ale skažycie jak treba rabić? Nu, ja dumaju, kaniečnie, jon sa śpiecsłužbaŭ. Nam intervju treba na 8 chvilin, a my ŭžo hutarym hadzinu dvaccać, tabie paručyli?
Ja hatovy byŭ vielmi daloka pajści ŭ tym płanie. Navat da ŭvodu svaich uzbrojenych siłaŭ, kab raźvieści ŭsich. A ciapier tam takaja mituśnia! Uviazvacca ciapier u hety kanflikt vielmi ryzykoŭna! Tam ciapier jość siły, jakija padparadkoŭvajucca aliharcham. Kałamojskim. Jany nie kiravanyja.
Ja zakłdvaŭ svaju hałavu. Kali sustrakaŭsia z Pucinym, to skazaŭ jamu, što nas uciahvajuć u hetuju vajnu. Nam stvarajuć hetuju miasarubku.
Ja nie staŭ apraŭdvacca pa miratvorcach, ale ja tak nie havaryŭ. Ja kazaŭ: kab pryniali moj płan, to vykarystoŭvaŭ by svaich miratvorcaŭ».
Pytajucca adnosna pašyreńnia NATO na Uschod, da miežaŭ Rasii.
«Biełaruś pakul nie ŭ składzie Rasii, prabačcie. NATO nabližajecca da miežaŭ Biełarusi. Mianie ž prymali ŭ Francyi, Hiermanii, ZŠA.
A dyktataram ja staŭ 23 lutaha taho dalokaha hoda, napeŭna, 17 hadoŭ tamu, kali skazaŭ, što dla nas nieprymalna pašyreńnie NATO. U Rasii tady z NATO hulalisia, hatovyja byli hołymi lehčy. Heta była linija zialonaha Łukašenki.
Zanadta vysoki hradus Łukašenki ŭ Rasii, tamu vy jaho panižajecie. Pramaŭčycie lepš, nie bambicie Łukašenku».
Kiraŭnik krainy papraknuŭ telekanał RBK, što «vy vielmi chutka pierafarbavalisia, vami niechta kiruje. Vy zhubilisia ŭ šmathałośsi inšych telekanałaŭ».
14:11
«Pavodziny Rasiei časta ŭ navakolnych krainach nazyvajuć — impierskija ambicyi. A jak heta nazvać?
Prosta tak Biełarusi nichto nie addaje, naadvarot, jak vam raskazaŭ pra padatkovy manieŭr, starajecca nachilić, niedzie prynizić, kab na kaleniach pastajali, niešta paprasili i tak dalej. Heta zaŭsiody zasmučaje i pryŭnosić u našy adnosiny nia toje što nieparazumieńnie, a niejkuju kryŭdu.
Albo vy ŭviali embarha suprać Małdovy. Hetuju Małdovu daviali da žachlivaha stanu, ledźvie duša ŭ ciele. Jany padpisali damovu ab asacyjacyi ź ES, jak i Ukraina. My biarom u ich vinamateryjały, jak ich zakryć? Treba biez ambicyjaŭ, vielmi chitra, z rozumam padychodzić da hetych pytańniaŭ, kab potym nie paciarpieć samim.
Małdovu zakryli. Maleńkaja, davaj prydušym. Nie treba.
U adzinočku stać i vypiendryvacca pierad śvietam — śmierci padobna», — pieradaje Radyjo «Svaboda».
13:12
Pytańnie pra sankcyi na pradukty z Zachadu, jakija byli ŭviedzienyja Rasijaj. Jak zrabić, kab bolš biełaruskaj pradukcyi dastavić u Rasiju i kab ceny na jaje nie pavialičvalisia?
«Na 6—7% vyraśli ceny na našy pradukty ŭ Rasii. Vy šukajcie pryčyny pavieličeńnia cenaŭ u siabie ŭ Rasii. Pryčyna adna. U vašaj biazładnaści i bieskantrolnaści. U Biełarusi takoha niama. U Minsku ja kantraluju praces, ja zabaraniŭ budavać bujnyja hipiermarkiety, kab nie źniščyć kramy pakrokavaj prysutnaści. Hipiermarkiety — heta zručna. My ich budujem, kali ŭžo nieabchodna. Ale nielha źniščyć kramy pakrokavaj prysutnaści.
Vy nie viedajecie, što ŭ hipiermarkietaŭ dzieści jość «dach»? Čym vyšej cana, tym bolš «dzialožka» tavaraŭ.
Pišuć pra «krevietki» ź Biełarusi ŭ Kurskaj vobłaści. Jany ŭžo hadoŭ piatnaccać tam pradajucca. Sprava ŭ tym, što pryjšoŭ adzin inviestar, jon pabudavaŭ ahramadnaje pradpryjemstva, Mašenski, zdajecca, Alaksandr. Potym jon pierajšoŭ u małočku. Stvaryŭ viadomyja brendy. Jon zakuplaŭ ryby i krevietki ŭ Narviehii. Kupiŭ u vas kampaniju «Ruskaje mora». Ja padtrymaŭ, kuplaj, tolki česna. Jon pa ŭsioj Rasii pastaŭlaje hetuju pradukcyju. U jaho mahutnaść vytvorčaści było, jak da embarha pierahružanaje, hetak i ciapier.
Vam daloka da našaj pradukcyi. U biełaruskaj kaŭbasie, u adroźnieńnie ad rasijskaj, niama tualetnaj papiery».
12:39
Pytańnie pra biežancaŭ.
«Pryjazdžajuć roznyja ludzi. Zbolšaha dobryja. Ale i takija jość, što dumajuć, jakich pavinny karmić i apranać. Ale ŭ nas pazicyja: chto moža pracavać – pavinien pracavać. My pastavili ich u adny ŭmovy ź biełarusami».
Pytańnie ad časopisu «Ekśpiert». Kaža žurnalist, što mnohija ŭ Rasii padtrymlivajuć pazicyju pa Ukrainie. «Tym nie mienš, vam daviadziecca vyznačacca pa Krymie. Nie tolki de-fakta, ale i de-jure. My znachodzimsia ŭsio ž u sajuznaj dziaržavy. Jak vy źbirajeciesia vychodzić z hetaha pytańnia?»
«Vy mianie nie vielmi napružvajcie pa Krymie. Nie dziaŭbicie mianie, jak pa Abchazii. Voś Łukašenka nie padtrymaŭ Abchaziju. Ma zaŭsiody sustrakalisia, handlavali z Bahapšam.
Ja pakłaŭ śpis Miadźviedzievu, što zdarycca ź Biełaruśsiu, kali my pryznajem Abchaziju. Heta jak siońnia z Rasijaj u sankcyjach, tolki ŭ kvadracie. Mnie kažuć, ty znoŭ tarhuješsia. «Heta nie maje funkcyi», — kaža Miadźviedzieŭ. Tady ja nie mahu na heta pajści. Zachodniki prysyłali da mianie Sałana, Makiej u mianie byŭ pierakładčyk. Sałana kaža, što pavažaje mianie z daŭniaj pary. Sałana skazaŭ: vybirajcie, jon ni na čym nie nastojvaŭ. Ja znoŭ pajechaŭ da Miadźviedzieva i zapytaŭsia, ci chočacie vy, kab Zachad źniščyŭ dziaržavu. Rasija skazała, što nie hatovaja padtrymać. Rasija byli niazdolnyja nas padtrymać u hetym pytańni».
«Kaliści pytańnie pra Krymie stanie. Ale my daŭno vyznačylisia. Ja na zakrytych pieramovach Pucinu adkryta skazaŭ, jak by ja dziejničaŭ, ale vam skazać nie mahu».
12:24
Pytańnie pra dačynieńni Biełarusi i Jeŭrasajuza. «Vas užo nie nazyvajuć apošnim dyktataram Jeŭropy», — kaža žurnalist.
«Ja nie chaču havaryć pra Zachad. Tam mianie nikoli nie lubili i nie palubiać. Ja vielmi pramaliniejny i ščyry. Ja liču, što palityka — brudnaja sprava. Ja rablu ŭsio, kab pakazać, što palityku možna rabić čystymi rukami.
Ja zaŭsiody vystupaju za niezaležnaść. Nazarbajevu nie padabajecca, kali havorać «starejšy brat». A ja kažu Pucinu, što jany našy starejšyja braty. Starejšy brat małodšaha kryŭdzić nie budzie.
Zachodniki tut zaŭsiody byvajuć. Na čempijanat śvietu my nie puścili tolki dvuch čałaviek, jakija abražali naš narod. Jany pabačyli, što tut narmalnaja kraina. Pajšli niejkija ruchi cieła. Trapać Biełaruś i vycirać ab jaje nohi ŭžo nieprystojna. My nie mianiali svajoj palityki.
Kali mnie patelefanavali peŭnyja ludzi… Dyktataru patelefanavali. Ja im skazaŭ, što biez zhody dziadzi Sema vy b nie pazvanili. Kali vy chočacie stabilizavać situacyju, to ja dašlu da vas svajho čałavieka, ministra zamiežnych spravaŭ, jon vykładzie svoj płan. Zachad hety płan nie pryniaŭ. Rasija taksama adchiliła hety płan».
12:13
Pytańnie ad vydańnie «Sajuznaje vieča». Žančyna havoryć pra «hramadzianskuju vajnu» va Ukrainie. Pytańnie ž pra Mytny sajuz i kali źniknie «sajuznaja dziaržava».
«Nie śpiašajciesia. Heta doraha nie kaštuje. Davajcie likvidujem «sajuznuju dziaržavu», kali Mytny sajuz dasiahnie takoha ŭzroŭniu intehracyi, jaki jość u «sajuznaj dziaržavie».
Mytny sajuz — heta čysta ekanamičnaje abjadnańnie. U «sajuznaj dziaržavie» ž my majem adzin płan dla MZS, adzinuju abaronnuju sistemu, možna skazać — adzinuju armiju.
U nas pa dniach raśpisana, jaki častki z Rasii dałučajucca ŭ vypadku ahresii z boku NATO. Ja kazaŭ Pucinu i Nazarbajevu, im heta nie spadabałasia, čym adroźnivajecca Mytny sajuz ad «sajuznaj dziaržavy»? Mienšaj hłybinioj intehracyi.
Siońnia narody niezadavolenyja realizacyjaj prahram «sajuznaj dziaržavy». My pavinny byli vynieści na refierendum Kanstytucyju adzinaj dziaržavy. U Rasii nie zachacieli. Nam prapanoŭvali adzinuju valutu. Dobra, ale valuta pavinna być asobnaj, jak u Jeŭropie. I emisijny centr pavinien nie być zaležnym ad Biełarusi ci Rasii. Kali my budujem sajuz, to jaho asnova — raŭnapraŭje.
Kali vy da mianie pryjazdžajecie — heta śviata, śviatoje».
12:00
Łukašenka znoŭ raskazvaje, što byŭ adzinym čałaviekam, chto prahałasavaŭ suprać razvału SSSR. Choć daŭno viadoma, što tym čałaviekam byŭ Valeryj Hurjevič Cichinia.
Alaksandr Łukašenka ŭskłaŭ vinu za padziei va Ukrainie na Viktara Janukoviča. «Pry Viktaru Fiodaraviču Janukoviču była stvorana takaja sistema kiravańnia krainaj… Nie chaciełasia b jaje charaktaryzavać, ale toje, što ja viedaju, takaja sistema paboraŭ, chabaraŭ i karupcyi, jakaja była prosta niaścierpnaja dla narodu», — zajaviŭ Alaksandr Łukašenka.
Raskazvaje, što Janukovič asabista finansavaŭ «Pravy siektar», bo jany byli suprać Cimašenki.
Łukašenka namiaknuŭ, što Miadźviedzieŭ bolš adekvatna aceńvaŭ padziei va Ukrainie, čym Pucin.
Premjer-ministr Rasii Miadźviedzieŭ absalutna adekvatna aceńvaŭ padziei va Ukrainie, adznačyŭ Alaksandr Łukašenka.
Łukašenka adznačyŭ, što nianaviść da Rasii va Ukrainie pačała nazapašvacca paśla taho, jak Rasija pačała nakručvać ceny na haz.
U cełym padziei va Ukrainie Łukašenka havaryŭ amal hadzinu.
11:52
«Kali b nie Rasija, to dni «ŁNR» i «DNR» užo b skončylisia. Rasija z šerahu pryčyn vymušanaja tam prysutničać.
Mianie nie pasłuchalisia, što vajnu tam nielha pačynać. Bo ledź nie ŭpieršyniu budzie bojnia, dzie słavianie źniščajuć adno adnaho. Amierykancy ŭ adkrytuju ŭ hetuju vajnu ŭviazvać nie buduć.
My nadali placoŭku dla dyjałohu. My mahli b sustrecca ŭ Astanie, ale, jak skazali jeŭrapiejcy, vyrašać jeŭrapiejskija pytańni ŭ Kitai nie z ruki. Jeŭrapiejcy, da honaru ich, pryjechali da apošniaha dyktatara Jeŭropy.
Pieramožcy ŭ hetaj vajnie być nie moža. Čamu praciahvajucca tam pierastrełki? Kab nie było tam vybaraŭ zaraz, to ŭsio b skončyłasia. Niehadziai i padonki. Ale heta ŭžo nie taja vajna, kali atačali bryhady, ludzi hinuli sotniami. Heta ŭžo dobra.
Ja vielmi dobra staŭlusia ŭkraincaŭ. Ja kaliści słužyŭ u Pamiežnych vojskach. Ja prajechaŭ usiu Zachodniuju Ukrainu. Viedaju ichnich ludziej. Narmalnyja tam ludzi. Padonki jość i na Zachadzie, i na Uschodzie. Jość jany i ŭ Biełarusi, i ŭ Rasii. Dasi hrošy – buduć vajavać. Tam z taho i druhoha boku vajujuć ludzi z Rasii i Biełarusi, z Zachadu. U Zachodniaj Ukrainie – cudoŭny narod. I biełarusam, i ukraincam treba ŭ ich vučycca pracavać.
Pry Juščanku znajšli maje karani pamiž Čarnihavym i Kijevym. Ja lublu ŭkraincaŭ amal jak ruskich».
11:37
Łukašenka asudziŭ parušeńnie terytaryjalnaj cełasnaści Ukrainy nasupierak Budapiešckamu miemarandumu.
«Niedapuščalna, kali niejkaja dziaržava parušaje tuju terytaryjalnuju cełasnaść, jakaja była harantavanaja, i adymaje častku terytoryi ŭ toj ci inšaj dziaržavy. Tamu kali ŭčystuju kazać, što niejkaja dziaržava zabrała častku terytoryi ŭ inšaj dziaržavy, heta niapravilna».
«Druhi momant — heta dałučeńnie, zachop Kryma. Dla Rasii dałučeńnie, dla Ukrainy — zachop. Ja ŭ hetym pytańni zaŭsiody stabilny. U 1994 na scenie ŭ Budapiešcie prapanavali vyvieźci ź Biełarusi jadziernuju zbroju. Heta było patrabavańnie ZŠA. Našy «śviadomyja» byli hatovyja zrabić, što zaŭhodna. Ja de-fakta musiŭ vykonvać raniejšyja patrabavańni, chacia sam byŭ kateharyčna suprać. Samy žorstki šantaž pa vyvadzie jadziernaj zbroi ja atrymlivaŭ z Rasii. Abiacali pierakryć haz, kazali, što nie buduć jaho absłuhoŭvać. Ja strymlivaŭ hety praces, nakolki mahčyma.
Dyk voś, stajać na scenie Łukašenka, Kučma i Nazarbajeŭ. Rasija tady była słabaj, i joj dyktavali svaje ŭmovy. Pobač z nami Klintan, Jelcyn, pradstaŭnik Vialikabrytanii. Jak haranty taho, što nam harantujuć niezaležnaść u ramkach tych miežaŭ, jakija my mieli na toj momant. Nam heta było harantavana.
Ciapier kažuć, a voś viedajecie, Chrušč siaki-taki addaŭ Ukrainie Krym. Heta nie tak! Nam była dadzienaja harantyja. Heta niedapuščalna, kali niejkaja dziaržava parušaje terytaryjalnuju cełasnaść. Heta niapravilna. Ja vam ščyra hetaha paćviardžaju».
U toj ža čas jon asudziŭ i ŭkrainskaje kiraŭnictva za niepradumanyja dziejańni. Čamu Rasija pajšła na hety krok? — praciahvaŭ jon. — Ja kazaŭ ukrainskim žurnalistam, ci ličycie vy Krym svaim? Tak, kažuć. A čamu vy addali jaho biez adzinaha strełu?
Jašče ja kazaŭ, navošta vy zabaraniajecie ruskuju movu? I treciaje, čamu vy chacieli raźmiaścić u Krymie bazy NATA. Vy minimum dali padstavu, kab Rasija dałučyła Krym da siabie. Vy sami padstavilisia. Vy vinavatyja, a nie Rasija».
Łukašenka taksama padkreśliŭ, što ličyć absurdam razvahi niekatorych palitykaŭ ab tym, što Rasija moža pasprabavać zachapić i častku terytoryi Biełarusi.
«I nie dumajcie, što ja tut bajusia, jak niekatoryja ŭ Rasii! Asabliva ŭ nas, apazicyja, nacmieny našy, nacyjanalisty mianie pałochajuć: siońnia Ukraina, zaŭtra Biełaruś, a paślazaŭtra Kazachstan, ci naadvarot. Ja nie dapuskaju, kab Biełaruś tam u niejkaj čarhovaści stała čarhovaj dziaržavaj, u jakoj Rasija ź niejkich pryčynaŭ zabiare častku terytoryi ci ŭsiu Biełaruś», — skazaŭ Łukašenka.
«Ja kažu: Uładzimir Uładzimiravič, vy nie pieražyvajcie. Heta vy, kažu, pavinny naprahacca. Častka smalenskich, branskich abo pskoŭskich ziamiel niekali naležali Biełarusi, tamu daviadziecca padzialicca», — žartaŭliva raskazaŭ Łukašenka.
11:26
Łukašenka nie choča, kab pres-kanfierencyja prachodziła ŭ kłasičnym žanry «pytańnie-adkaz». Prapanuje, kab prachodziła ŭsio ŭ formie «hutarki». «Ja viedaju, kali vy zadajacie pytańnie, to možacie viedać adkaz. Vy prosta chočacie pačuć, jak na hetuju padzieju reahujuć u Biełarusi».
Pačynajecca pres-kanfierencyja z pytańnia ad telekampanii «Mir». Kaniečnie, pytajecca pra Ukrainu. «Hety bol nie prachodzić i časam nie lečycca», — kaža žurnalist.
«Nie ŭsie ŭ Rasii razumiejuć maju asabistuju i pazicyju Biełarusi pa Ukrainie. Mnie vielmi važna rastavić akcenty, kab rasijanie razumieli maju pazicyju. Ci hulajecca Łukašenka z Zachadam i Uschodam, ci nie?
Ja zaŭsiody znachodziŭ supolnuju movu z tymi palitykami, što znachodzilisia va ŭładzie va Ukrainie. Nie tolki z Kučmam i Janukovičam, ale i ź Juščankam, Cimašenkaj, Turčynavym, u tym liku z Parašenkam. Chacia vykazvaŭsia i krytyčna ab kiraŭnictvie Ukrainie. Jany nikoli nie kryŭdzilisia na mianie. Maja krytyka nie była złobnaj. Ja i ciapier padtrymlivaju dobryja adnosiny z ukraincami. Skažycie, heta što, na škodu Biełarusi i Rasii?
Toje, što ja razmaŭlaju z ukrainskimi kiraŭnikami. Navat ź Laško, jaki nibyta reakcyjny ŭ dačynieńni Rasii. Jon sam padyšoŭ u Radzie, pacisnuŭ mnie ruku, adrekamiendavaŭsia. Ukraincy zaŭsiody viravali, asabliva pierad parłamienckimi vybarami. U nas zusim inakš, inšaja arhanizacyja vybaraŭ. Ja budu i dalej praciahvać adnosiny z hetymi ludźmi.
Druhi momant. U Rasii prajšoŭ antykanstytucyjny pieravarot… Oj, nie rabicie z hetaha nijakich vyvadaŭ. Va Ukrainie prajšoŭ antykanstytucyjny pieravarot. Chto vinavaty? Prezident Ukrainy — spadar Viktar Janukovič. Jon vinavaty, tolki jon».
** *
Pačałosia ŭsio z ustupnaha słova kiraŭnika dziaržavy.
Łukašenka skazaŭ, što «abjektyŭnaj infarmacyi ab Biełarusi ŭ Rasii brakuje». Taksama jon adznačyŭ, što ŭ taki składany čas krainy pavinny być razam. «Ubić klin u adnosiny pamiž našymi krainami sprabujuć zvonku».
«Kanflikt va Ukrainie moža być vyrašany tolki šlacham pieramovaŭ, nijakich pieramožcaŭ u hetym kanflikcie nie budzie», — kaža Łukašenka.
Kiraŭnik dziaržavy skazaŭ pra aktyvizacyju «našych praciŭnikaŭ» na miažy. Taksama jon paćvierdziŭ, što Biełaruś abmiažoŭvaje ŭvoz u Rasiju tavaraŭ, jakija trapili tam pad embarha.
«Ciapier nie čas ščypać adzin adnaho pa drabiazie, zhadvać staryja kryŭdy».
* * *
Alaksandr Łukašenka 17 kastryčnika praviadzie pres-kanfierencyju dla pradstaŭnikoŭ rasijskich rehijanalnych srodkaŭ masavaj infarmacyi — udzielnikaŭ tradycyjnaha pres-tura ŭ Biełaruś.
Mierapryjemstva pravodzicca ŭžo 12-y raz. U ciapierašniaj pres-kanfierencyi prymie ŭdzieł zvyš 100 pradstaŭnikoŭ ŚMI z 50 subjektaŭ Rasijskaj Fiederacyi. Napiaredadni pres-kanfierencyi adbyŭsia tradycyjny pres-tur jaje ŭdzielnikaŭ. Na hety raz rasijskija žurnalisty znajomilisia z sacyjalna-ekanamičnym raźvićciom Viciebskaj vobłaści.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»21
Kamientary