U Tehieranie pryviedzieny ŭ vykanańnie śmiarotny prysud 26-hadovaj irancy Rajchane Džabary, asudžanaj za zabojstva mužčyny, jaki sprabavaŭ jaje zhvałcić.
Džabary była paviešana u turmie, niahledziačy na mižnarodnuju kampaniju, jakaja zaklikała adterminavać abo admianić pakarańnie.
Dziaŭčyna była aryštavanaja ŭ 2007 hodzie za zabojstva Murtazy Abdułali Sarbandzi, u minułym supracoŭnika iranskaj vyviedki.
Pravaabaroncy z Amnesty International nastojvajuć, što śledstva pa spravie Džabary prachodziła z surjoznymi parušeńniami.
U minułym miesiacy ŭ sacyjalnych sietkach była raspačataja maštabnaja kampanija ŭ abaronu asudžanaj, i da apošniaha času zdavałasia, što pakarańnie ŭdasca praduchilić.
Adnak u subotu dziaržaŭnaje ahienctva Taśnim paviedamiła, što śmiarotny prysud Džabary byŭ pryviedzieny ŭ vykanańnie, paśla taho jak siamji asudžanaj nie ŭdałosia damovicca ab źmiakčeńni prysudu sa svajakami achviary.
Zajavy dziaŭčyny ab nievinavataści nie znajšli paćvierdžańnia ŭ sudzie, padkreślivajecca ŭ paviedamleńni ahienctva.
Maci Rajchane paćvierdziła Piersidskaj słužbie Bi-bi-si fakt pakarańnia, skazaŭšy, što nakiroŭvajecca na mohiłki, kab raźvitacca ź ciełam dački.
U piatnicu im dazvolili apošniaje hadzinnaje spatkańnie.
Adrazu paśla aryštu Džabary była źmieščana ŭ adzinočnuju kamieru, dzie jana prabyła dva miesiacy, nie majučy mahčymaści źviazacca ź siamjoj abo advakatami.
U 2009 hodzie sud u Tehieranie prysudziŭ jaje da śmiarotnaha pakarańnia.
Pravaabaroncy paviedamlajuć: choć Rajchane Džabary pryznała, što ŭdaryła Abdułali Sarbandzi nažom u śpinu, jana nastojvała, što ŭ chacie byŭ treci čałaviek, jaki i ździejśniŭ zabojstva.
Pa słovach starejšaha syna achviary Džałała Sarbandzi, abvinavačanaja admoviłasia nazvać imia hetaha čałavieka.
«Tolki kali my daviedajemsia pra jaje sapraŭdnyja namiery, kali jana raskaža praŭdu ab svaim saŭdzielniku i pra toje, što tam adbyłosia, tolki tady my budziem hatovyja jaje paškadavać», — kazaŭ Džałał žurnalistam u krasaviku.
Pavodłk dadzienych AAN, tolki ŭ biahučym hodzie ŭ Iranie było vykanana 250 śmiarotnych prysudaŭ.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»41
Kamientary