Alehu Hazmanavu admovili ŭ praviadzieńni kancertaŭ u Litvie
U hetym hodzie areny bujnych haradoŭ Litvy admovilisia pryniać u siabie rasijskaha vykanaŭcu Aleha Hazmanava, jaki ŭ minułym hodzie na kancercie ŭ krainie vykanaŭ pieśniu, što prasłaŭlaje SSSR.
Namieśnik dyrektara kampanii Klaipėdos arena, jakaja kiruje Kłajpiedskaj arenaj «Šviture», Remihijus Ambrułajcis nie chavaŭ, što niadaŭna adna litoŭskaja kampanija, jakaja zajmajecca arhanizacyjaj mierapryjemstvaŭ prasiła zdać joj u arendu arenu dla praviadzieńnia kancerta Hazmanava.
Adnak Klaipėdos arena admoviłasia zdavać pamiaškańnie. «My acanili toj fakt, što ŭ minułym hodzie paśla vilenskaha kancertu Hazmanava adbyŭsia skandał. Akramia taho, my ŭličyli ciapierašniuju hieapalityčnuju situacyju — ja kažu pra roznahałośsi pamiž Rasijaj i Ukrainaj. Usie hetyja aśpiekty majuć admoŭnaje adcieńnie, jany mohuć nanieści škodu arenie, jaje reputacyi. Pieršaja fraza, jakaja pryjšła nam u hałavu, i nam rabotnikam, i akcyjanieram, što my pavinny być pa-hramadziansku nastrojeny i budziem takimi», — skazaŭ Ambrułajcis.
Dumaju, jaho kancert nie karystaŭsia b vialikim pośpiecham, kvitki nie byli b raskupleny. Akramia taho, u śniežni prachodzić šmat śviatočnych mierapryjemstvaŭ, a kancert Hazmanava maje admoŭnaje adcieńnie», - skazaŭ surazmoŭca.
Pa źviestkach DELFI, arhanizatary chacieli pravieści kancert Hazmanava nie tolki ŭ Kłajpiedzie, ale i jašče minimum u dvuch haradach. Adnak ad hetych namieraŭ admovilisia - Hazmanaŭ na śviaty z kancertami ŭ Litvu nie pavinien pryjechać.
U Łatvii Hazmanaŭ abvieščany piersonaj non-hrata. Jaho ŭjezd u Litvu nie zabaronieny — MZS nijakich sankcyj nie ŭžyvaŭ.
Ciapier čytajuć
Łukašenka pra «vialikuju ździełku» z ZŠA: Heta nie tolki palitviaźni8
Kamientary