Paśla kancerta Hazmanava ŭ Vilni — novy skandał

U Litvy nie ścichajuć žarści ŭ suviazi z kancertam rasijskaha vykanaŭca Aleha Hazmanava. Tak, žurnalista Sadaŭskasa- Kviatkiavičusa, jaki ŭ sacyjalnaj sietcy vykazaŭ krytyčnaje mierkavańnie ab prychilnikach Hazmanava, naviedała palicyja.

Hałoŭny redaktar štotydniovika Druskinink? naujienos («Naviny Druskininkaja») Sadaŭskas-Kviatkiavičus napisaŭ na svajoj staroncy ŭ sacyjalnaj sietcy Facebook vodhuk na artykuł DELFI pra kancert.

«U adkaz na pytańnie ab tym, chto choča pačuć pieśniu «Zrobleny ŭ SSSR», arena «Simiens» zapoŭniłasia radasnymi krykami i lesam ruk», — u dumkach ja sprabuju ŭjavić, jak na hety natoŭp z apyrskvalnikaŭ, zamacavanych na stoli, pačynaje pyrskać siernaja kisłata.

I niejak lahčej stanovicca. Tamu što niejak pryjdziecca dalej žyć z hetym vyrodkami ŭ adnoj krainie, chodzić pa tych ža vulicach», — napisaŭ Sadaŭskas-Kviatkiavičus.

Uśled za hetym dopisam u sacyjalnaj sietcy zakipieła dyskusii — na hetuju temu vykazalisia sotni kamientataraŭ.

«Kamuści z čytačoŭ hetaj dyskusii, mabyć, nie vielmi spadabałasia niešta z hetych zapisaŭ, tamu jany napisali skarhu ŭ sistemu elektronnaj palicyi epolicija.lt. Hetaja sistema pieradała słužbovym asobam Druskininkaja, kab jany pryjšli i spytali mianie, vykazvaju ja tut svajo mierkavańnie abo zaklikaju da hvałtu i raspravy», — rastłumačyŭ surazmoŭca.

Palicyjanty naviedali žurnalista ŭ paniadziełak. Jon im patłumačyŭ, što ŭsiaho tolki vykazaŭ svajo mierkavańnie

i pakazaŭ zapis u sacyjalnaj sietcy. Pavodle jaho słoŭ, palicyjantam usio stała jasna i jany, « dobrazyčliva raźvitaŭšysia, paabiacali paviedamić aŭtaram skarhi, što ničoha nie zafiksavana».

Žurnalist byŭ ździŭleny faktu skarhi, adnak, na jaho dumku, pravaachoŭnyja orhany vydatna va ŭsim razabralisia.

«Pakolki Ministerstva zamiežnych spraŭ Litvy (MZS ) zajaviŭ, što Hazmanaŭ, jaki prasłaŭlaŭ Saviecki Sajuz padčas kancertu, raspalvaje varožaść i demanstruje niepavahu da historyi Litvy, savietafiły mahli b paskardzicca na MZS u palicyju», —

skazaŭ žurnalist.

Aleh Hazmanaŭ nie ŭklučyŭ pieśniu, u jakoj prasłaŭlaŭsia SSSR, u repiertuar, jaki vykonvaŭ 29 śniežnia na kancercie ŭ Vilni, adnak u kancy kancerta vykanaŭ jaje «pa žadańni publiki».

Raniej kansiervatar Rasa Jukniavičenie publična zapatrabavała nie ŭpuskać vykanaŭcu ŭ Litvu

i nie pravodzić kancert, pryznačany na 29 śniežnia ŭ Vilni.

Takaja reakcyja była paśla taho, jak 12 śniežnia na mierapryjemstvach z nahody 20-hodździa Kanstytucyi Rasijskaj Fiederacyi ŭ Vialikaj zale Kramla prahučała pieśnia, u jakoj rasijski vykanaŭca Prybałtyku nazvaŭ svajoj krainaj.

Pieśnia Aleha Hazmanava «Ja narodžany ŭ SSSR» prahučała paśla vystupu Uładzimira Pucina. Pad huki pieśni na scenie demanstravałasia vializnaja karta Savieckaha Sajuza.

Pasoł Jeŭrapiejskaha sajuza ŭ Maskvie Vihaŭdas Ušackas zajaviŭ, što jon byŭ uzrušany takoj haniebnaj pravakacyjaj, a

litoŭskija palitołahi nazvali heta častkaj palityčnaj prapahandy.

Sam Hazmanaŭ na aficyjnym sajcie 13 śniežnia napisaŭ, što ŭ pieśni niama ahresii.

«Majoj pieśni «Zrobleny ŭ SSSR» užo 10 hadoŭ. U joj naša ahulnaja historyja i tolki fakty. Ja sapraŭdy naradziŭsia ŭ SSSR u Prybałtycy (u horadzie Husieŭ, Kalininhradskaja vobłaść - DELFI). U toj čas maja kraina abjadnoŭvała 15 respublik.

U pieśni niama ahresii, niecenzurnych słoŭ i palityčnych zaklikaŭ», - napisaŭ Hazmanaŭ.

• 0
• 0
• 0
• 0
• 0
• 0
• 0
• 0