Pradstaŭnica Biełarusi Maryna Alaksiejčyk pieramahła na konkursie pryhažości dla zamužnich žančyn «Misis Suśviet — 2014», finał jakoha prachodziŭ u ZŠA ŭ štacie Merylend.
Uładalnicy hetaha hanarovaha tytuła 31 hod. Jana vyjšła zamuž čatyry hady tamu. Ciapier pracuje televiadučaj i vystupaje na scenie ŭ jakaści śpiavački.
Druhoje miesca zaniała kankursantka ad PAR, a treciaje — pradstaŭnica Pieru. Rasijanka «Misis Sievastopal» Natalla Nikałajeva zaniała 4-je miesca.
Konkurs praciahvaŭsia 8 dzion, u im brali ŭdzieł pradstaŭnicy z 35 krain.
Prahrama konkursu składałasia ź niekalkich numaroŭ. U pačatku ŭdzielnicy vykonvali rytmičny taniec. Za im išoŭ pakaz kupalnikaŭ i viačernich sukienak. Hledačoŭ taksama zabaŭlali śpiecyjalna zaprošanyja artysty i kalektyvy. U finale konkursu žančyny pavinny byli vyjści ŭ nacyjanalnym kaściumie abo ŭ mastackim stroi, jaki padkreślivaŭ by ich nacyjanalnuju prynaležnaść.
Konkurs «Misis Suśviet» byŭ zasnavany ŭ 1985 hodzie, jaho pravodzili ŭ samych roznych krainach śvietu i trojčy zapar u Rasii. U nastupnym hodzie hety prestyžny ahlad projdzie ŭ Piekinie. Da ŭdziełu zaprašajucca zamužnija maładyja žančyny, pieravaha addajecca tym, u kaho jość dzieci, i tym, chto zajmajecca dabračynnaściu, aktyŭna ŭdzielničaje ŭ palityčnym i hramadskim žyćci svaich krain. Pavodle słoŭ prezidenta «Misis Suśviet» Devida Marmieła, hałoŭnaja misija konkursu — prapahanda siamiejnych kaštoŭnaściej, ideałaŭ miru, dabryni i pryhažości.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary