Madura paabiacaŭ vyzvalić lidara apazicyi Vieniesueły ŭ abmien na aktyvista z Puerta-Ryka
Prezident Vieniesueły Nikałas Madura paabiacaŭ vypuścić z turmy lidara vieniesuelskaj apazicyi Leapolda Łopiesa ŭ abmien na vyzvaleńnie ŭ ZŠA zmahara za niezaležnaść Puerta-Ryka Oskara Łopiesa Ryviery. Z adpaviednaj zajavaj vieniesuelski lider vystupiŭ u niadzielu.
«Adziny sposab vykarystoŭvać (prezidenckija) paŭnamoctvy — heta pasadzić (Łopiesa) na samalot, kab jon moh adpravicca ŭ ZŠA i zastacca tam, - skazaŭ Madura. - I jany addaduć mnie Oskara Łopiesa Ryvieru — čałavieka za čałavieka».
U siaredzinie lutaha 2014 ułady Vieniesueły vydali order na aryšt lidara vieniesuelskaj apazicyjnaj partyi «Narodnaja vola» Leapolda Łopiesa, abvinavaciŭšy jaho ŭ arhanizacyi biesparadkaŭ. 12 lutaha ŭ stalicy i bujnych haradach krainy prajšli tady manifiestacyi moładzi. U vyniku sutyknieńniaŭ pratestoŭcaŭ z supracoŭnikami pravaachoŭnych orhanaŭ u toj dzień try čałavieki zahinuli, dziasiatki atrymali ranieńni.
18 lutym Łopies zdaŭsia supracoŭnikam Nacyjanalnaj hvardyi. U pačatku krasavika hienieralnaja prakuratura krainy pradjaviła jamu abvinavačvańni pa čatyroch artykułach kryminalnaha kodeksu. Havorka išła pra zakliki da hramadzianskaha niepadparadkavańnia, stvareńni złačynnaj arhanizacyi, naniasieńni škody čužomu majomaści i padpale.
Oskar Łopies Ryvera byŭ asudžany ŭładami ZŠA ŭ 1981 hodzie za ŭdzieł u zmovie z metaj damahčysia niezaležnaści Puerta-Ryka, jakoje maje status «svabodna dziaržavy, što dałučyłasia da Złučanych Štataŭ Amieryki» z pravami samakiravańnia. U 1999 hodzie jon adchiliŭ prapanovu Biła Klintana ab daterminovym pamiłavańni.
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary