Valera Rusielik źniaŭ dušeŭny klip na pieśniu salista «Ludziej na bałocie» z Čobatam u jakaści hieroja VIDEA
Aleś Dzianisaŭ prezientavaŭ na Tuzin.fm klip na pieśniu «Turma» z svajho novaha prajekta na vieršy Alesia Čobata.
Mienavita na słovy Alesia Čobata mierkavałasia zapisać budučy albom hurtu «Ludzi na bałocie».
Čobat — paet ź miastečka Skidal, historyk, pierakładčyk na biełaruskuju Česłava Miłaša. U jaho niepaŭtorny paetyčny hołas.
Čobat straciŭ zrok, letaś atrymaŭ pieršuju hrupu invalidnaści, ale praciahvaje pisać.
Lidar «Ludziej na bałocie» Aleś Dzianisaŭ stvaryŭ cykł piesień na vieršy Alesia Čobata sa sbornika «Karotkaja historyja Biełarusi».
Niekatoryja ź ich užo vykonvalisia hurtam na kancertach. Ale jakraz padčas zdymak videa na pieśniu «Turma» Aleś padumaŭ pra toje, kab prezientavać hety prajekt solna, vykanać praktyčna pad adnu hitaru. «Hetyja vieršy patrabujuć vielmi aściarožnaha padychodu i minimalnaj aranžyroŭki, bo słovy mohuć zhubicca ŭ tłumie instrumientaŭ. A mnie chaciełasia by zrabić akcent mienavita na słovy», — kaža muzyka.
Źniać minimalistyčny klip na pieśniu «Turma» zadumaŭ biełsataviec Valer Rusielik, sam rodam z Horadni.
Dzianisaŭ nie ličyć hety vierš samym mocnym u Čobata, ale nazyvaje jaho vielmi «klipavym» i haradzienskim. «Jon pieradaje haradzienski nastroj. I, kaniečnie, sam paet — mocny, niepachisny, taki haradzienski «chrosny baćka». Paet, jaki uzvyšajecca nad natoŭpam hrafamanaŭ i modnikaŭ ad litaratury. Hienijalny paet!».
Usie, chto źjaŭlajecca ŭ klipie — heta nievypadkovyja ludzi: flejtyst Vasia, jaki vykonvaje rolu vuličnaha muzyki; Dzianisaŭ — čałaviek na vulicy, jaki padkurvaje cyharetu paetu; režysior Rusielik taksama źjaŭlajecca na momant, kidajučy hrošy muzyku na vulicy… «Ale samy nievypadkovy čałaviek tam — Jura Siedzianieŭski, jaki hraje rolu turysta, — raspaviadaje Dzianisaŭ. — Hetamu chłopcu, dumaju, pavinien pacisnuć ruku kožny, chto jaho ŭbačyć.
Jurka ciapier apiakujecca Čobatam. Pryjazdžaje da jaho ŭ Skidal, što za 30 kiłamietraŭ ad Horadni, dzie žyvie paet u svajoj draŭlanaj chatcy, chodzić ź im u kramu, dapamahaje ŭpraŭlacca ŭ chacie».
Stvaralnikam videa chaciełasia, kab Čobat zastaŭsia ŭ historyi ŭ svaim kłasičnym vobrazie: u svaim skuranym płaščy z kijkom z hałavoj ilva.
Miarkujecca, što prajekt na słovy Alesia Čobata Aleś Dzianisaŭ prezientuje ŭžyvuju ŭ Miensku ŭ lutym 2015 hoda.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
Kamientary