Hurt anansavaŭ «Pieradśmiarotny kancert».
Anatacyja da vystupu The Toobes 20 sakavika ŭ staličnym kłubie Re:Public nahadała «Jeŭraradyjo» ciažki stohn.
«Kali niama sił praciahvać. Kali ŭvieś śviet suprać ciabie. Kali Złatku nie palili NIČYM. Kali achoŭnik, hledziačy ŭ vočy, pytajecca pra tvajo samaadčuvańni. Kali Rej Liota ŭžo nie toj. Kali restarannaje rahu — nie mamina rahu. Kali dema lepšaje za albom. Kali bumieranh nie lacić nazad. Kali papiera skončyłasia. Kali nie apranuŭ paradnyja trusy. Kali niama prava na pamyłku. Kali muzyka bolš nie ratuje…» — piša hurt u anonsie kancertu.
Sam hurt admoviŭsia kamientavać nazvu kancertu i ton zaprašeńnia.
Uvosień The Toobes pradstaviŭ treci albom «Road To The Big Time», jaki byŭ pazityŭna acenieny krytykami. Siońnia hurt dziejničaje ŭ Polščy, hod tamu braŭ udzieł u polskim šoŭ X-Faktor. Čutak ab raspadzie hurta apošnim časam nie źjaŭlałasia, chacia na karotki termin trya pakidaŭ basist Stas Muraška. U studzieni ŭ supołcy hurta «UKantakcie» źjaviłasia fota z podpisam «dumajem pra čaćviorty albom»
Navat raźvitalnyja kancerty i tury nie zaŭsiody značać sychod sa sceny. Zavieršany raźvitalny tur nie pieraškadžaje Iosifu Kabzonu davać kancerty ŭ «DNR», a słavutyja niamieckija rokiery Scorpions znachodziacca ŭ stanie raźvitalnaha turu z 2010 hoda.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary