Viasna ŭ Biełarusi čakajecca bolš ciopłaj, čym zvyčajna, paviedamiŭ na pres-kanfierencyi 11 sakavika ŭ Minsku načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžańnia i manitorynhu navakolnaha asiarodździa Dźmitryj Rabaŭ.
«Sioleta sakavik budzie bolš ciopłym, čym zvyčajna, apadki — blizu klimatyčnaj normy. Kali kazać u cełym pra viasnu, to jana sioleta taksama čakajecca bolš ciopłaj, čym zvyčajna, siaredniesiezonnaja tempieratura pavietra — vyšejšaja za klimatyčnuju normu», — zaznačyŭ sinoptyk.
Pavodle jaho słoŭ, na nastupnym tydni, 16—17 sakavika, «uładu pad nadvorjem voźmie čarhovy cykłon, nadvorje budzie spryjalnaje, budzie śviacić sonca, tempieratura dniom plus 5—10°S, miescami da plus 12°S». «Nastupny tydzień čakajecca davoli kamfortnym. Ale, na žal, pavodle papiarednich źviestak, 20 sakavika nadvorje sapsujecca, da krainy padydzie cykłon. Čakajucca apadki roznaj intensiŭnaści», — paviedamiŭ Rabaŭ.
Jon taksama zaznačyŭ, što studzień sioleta byŭ davoli vilhotnym, a luty — vielmi suchim. Taki luty byvaje prykładna adzin raz na 12 hadoŭ. Nie było hetaj zimoj i praciahłych mocnych marazoŭ.
«Viasna sioleta nastupiła davoli rana. Na bolšaj častcy terytoryi krainy — 19-20 lutaha, na adzin miesiac raniej, a pa paŭdniovym zachadzie — u pačatku lutaha, što na dva miesiacy raniej za zvyčajnyja terminy», — skazaŭ Rabaŭ.
Pavodle jaho słoŭ, tempieratura pavietra ŭ pieršaj dekadzie sakavika była na 6—8 hradusaŭ vyšejšaj za klimatyčnuju normu. «Tak ciopła ŭ pieršaj dekadzie sakavika byvaje prykładna adzin raz na 15—20 hadoŭ. Apadkaŭ vypała 97% ad normy, ale jany raźmiarkoŭvalisia nieraŭnamierna, bolš za ŭsio — pa Mahiloŭskaj vobłaści», — zaznačyŭ sinoptyk.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary