Jak raskazaŭ siabra Asacyjacyi maładych biełaruskich kampazitaraŭ Vital Darašuk, takim niezvyčajnym sposabam maładyja vykanaŭcy adznačać 330-hodździe z dnia naradžeńnia Iahana Siebaśćiana Bacha.
Pavodle słoŭ muzykanta, razam z žonkaj Volhaj Padhajskaj, jakaja źjaŭlajecca arhanistkaj i kampazitaram, jany vystupajuć u roznych haradach Biełarusi z kancertnymi prahramami z tvoraŭ Bacha. «Adnak u jubilejny hod chaciełasia realizavać niešta bolš maštabnaje, čym prosta kancert, i pryciahnuć značna bolš uvahi hledačoŭ, tamu i naradziłasia ideja takoha prajekta», — padzialiŭsia Vital Darašuk.
U pierachodach mietro ŭ bližejšuju subotu 21 sakavika, z 15.00 da 16.00, prafiesijnyja muzykanty buduć vykonvać tvory vialikaha kampazitara. Heta adukacyjny, aśvietnicki prajekt, jon nie kamiercyjny, padkreśliŭ arhanizatar. Pavodle jaho słoŭ, udzielničajuć u prajekcie siabry-muzykanty, jakim takaja ideja spadabałasia. Usie jany salisty Biełaruskaj dziaržaŭnaj fiłarmonii, studenty Biełaruskaj akademii muzyki. Rasstanoŭku muzyčnych instrumientaŭ u mietro padbirali, uličvajučy akustyku. Naprykład, tam, dzie ŭ padziemnym pierachodzie vialiki patok piešachodaŭ i šumna, buduć ihrać na ŭdarnych, a na «cichaj» stancyi — «cichija» instrumienty.
Pačuć kłasičnuju muzyku možna ŭ padziemnych piešachodnych pierachodach stancyj mietrapalitena: na «Niamizie» — Juryj Navumienka (kantrabas) i Nastaśsia Papova (skrypka), na «Kastryčnickaj» — Volha Šyrynava i Hanna Šafranoŭskaja (flejty), na «Puškinskaj» — Andrej Całko (bajan), na «Kamiennaj Horcy» — Kaciaryna Mareckaja (elektronnaje fartepijana), na «Praletarskaj» — Iłona Leś (vijałančel), na «Traktarnym zavodzie» - Nastaśsia Vaładkievič i Kanstancin Vaładkievič (haboj i skrypka), na «Frunzienskaj» — Maksim Zabara (fahot), na «Mahiloŭskaj» — Dźmitryj Antanievič (flejta), na «Płoščy Pieramohi» — Vieranika Pradzied (cymbały), na stancyi «pł.Jakuba Kołasa» — ansambl udarnych instrumientaŭ.
Arhanizatar — Asacyjacyja maładych biełaruskich kampazitaraŭ.
Ciapier čytajuć
«Miesiačny płaciež paciahnie na 340 rubloŭ». Što budzie ŭ Biełarusi z mabilnym internetam?22
Kamientary