Try miesiacy tamu adbyŭsia moŭny skandał u šviejcarskim ciahniku. Ci byŭ chto pakarany?
U kastryčniku minułaha hoda ahresiŭny ruskamoŭny mužčyna napaŭ na siamiejnuju paru biełarusa i ŭkrainki ŭ ciahniku ŭ Šviejcaryi, bo jamu nie spadabałasia ŭkrainskaja mova. Ad času taho incydentu pajšoŭ čaćviorty miesiac. «Radyjo Svaboda» daviedałasia praciah hetaj historyi.
Ukrainka Alena Dudnik razam z mužam, šviejcarcam biełaruskaha pachodžańnia Habryelem Šarovym, jechali 13 kastryčnika z małym dziciom u ciahniku pa Šviejcaryi. Ruskamoŭny mužčyna, jaki siadzieŭ pa susiedstvie, pačaŭ ahresiŭna da ich čaplacca. Jaho aburyła ŭkrainskaja mova, na jakoj razmaŭlała Alena. Ruskamoŭny mužčyna akazaŭsia hramadzianinam Łatvii Alaksandram Vabiksam. Jon łajaŭsia matam, pahražaŭ zabojstvam, pakazvajučy palcam na siamju. Alena zapisała incydent na videa.
Paśla hetaha niekatoryja miedyja paviedamili, što Vabiksa nibyta aryštavali. Adnak, pavodle Aleny Dudnik, heta nie adpaviadaje rečaisnaści. U kamientary dla «Radyjo Svaboda» jana patłumačyła, što tolki niadaŭna palicyja zaprasiła jaje z mužam na dopyt pa hetaj spravie.
«Heta byŭ dopyt u palicyi dla aznajamleńnia prakuratury z našymi pakazańniami i materyjałami spravy. Nakolki ja viedaju, nieŭzabavie pavinny dapytać i samoha Vabiksa, a taksama žančynu, jakaja była razam ź im. Na hety momant heta ŭsio», — skazała «Svabodzie» Alena.
Partniorka Vabiksa — ukrainka z Adesy, jakaja maje status uciakački ŭ Šviejcaryi. Pavodle paviedamleńniaŭ ukrainskich ŚMI i sacyjalnych sietak, Vabiks raniej pahražaŭ inšym žančynam fizičnym hvałtam i sieksualnymi damahańniami. Na ŭdakładniajučaje pytańnie Svabody, ci znachodzicca Vabiks uvieś hety čas na svabodzie, Alena Dudnik dadała:
«Tak! I nichto jaho nie źbirajecca zatrymlivać, palicyja pakul adkazała nam, što nie bačyć pryčyny, pa jakoj jaho treba aryštoŭvać».
17 kastryčnika Słužba dziaržaŭnaj biaśpieki Łatvii (VDD) raspačała kryminalny praces suprać Vabiksa. Sprava raspačataja ŭ adpaviednaści z častkaj treciaj artykuła 78 Kryminalnaha kodeksa Łatvii — za dziejańni, nakiravanyja na raspalvańnie nacyjanalnaj i etničnaj varožaści i varažniečy suprać ukraincaŭ, źviazanyja z hvałtam i pahrozami. «Svaboda» nakiravała ŭ VDD zapyt, na jakim etapie zaraz znachodzicca hety praces, ale adkazu pakul nie atrymała.
U Łatvii zaviali kryminalnuju spravu na mužčynu, jaki abražaŭ u ciahniku ŭ Šviejcaryi ŭkrainska-biełaruskuju siamju
«Ja trymaŭsia, sprabavaŭ jaho supakoić». U Šviejcaryi biełarus abaraniŭ siamju ad ahresiŭnaha ruskamoŭnaha pasažyra ŭ ciahniku
Biełorusy Vilniusa sobirajut podpisi v zaŝitu vozmožnosti obučať dietiej na biełorusskom jazykie
Ciapier čytajuć
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka1
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary
Tamu spadziavajciesia tolki na siabie ŭ "svabodnym śviecie demakratyi"!