Hajdukievič: Žančynie lepš viełasipied i samakat, a nie mašyna
«Jakuju mašynu ni kupi — praz tydzień bampier pabity. 18 hadoŭ pabity bampier, 18 hadoŭ mašyna staić pasiarod horada bieź bienzinu!»
Kiraŭnik Libieralna-demakratyčnaj partyi Biełarusi, deputat Aleh Hajdukievič u razmovie z žurnalistkaj Alenaj Radoŭskaj padzialiŭsia historyjaj svajho siamiejnaha žyćcia, jakaja, na jaho dumku, ilustruje adnosiny žančyn z aŭtatranspartam. Hety momant razmovy jon raźmiaściŭ na svajoj staroncy ŭ Threads.
«Ja byŭ žanaty 18 hadoŭ. 18 hadoŭ maja žonka zabyvała zapraŭlacca! Jana ŭvieś čas spyniałasia pasiarod horada, telefanavała mnie i kazała: «Bienzin skončyŭsia». I tak było 18 hadoŭ.
Ja kłaŭ kanistru, ja kiroŭcu prasiŭ, kab jaje zapravili — ničoha za 18 hadoŭ nie źmianiłasia. Voś vy, žančyny, jak za rulom!
I jakuju mašynu ni kupi — praz tydzień bampier pabity. 18 hadoŭ pabity bampier, 18 hadoŭ mašyna staić pasiarod horada bieź bienzinu!» — sa zvykłaj emacyjnaściu kryčaŭ Hajdukievič.
Na pytańnie žurnalistki, ci jeździć ciapier jaho žonka za styrnom, i chto jaje zapraŭlaje i ramantuje bampier, palityk, pacioršy nos (prykmieta padmanu), nahadaŭ, što ciapier jon u razvodzie i zapeŭniŭ:
«Były muž. Były muž — heta nazaŭsiody. (…) Nu a jak možna admović byłoj žoncy? Voś jak? Voś patelefanuje byłaja žonka, i chto? Chto dapamoža?»
«Majo mierkavańnie: žančynie lepš viełasipied, elektrasamakat, vialiki šlem — i kab jana spakojna jechała kudy treba», — praciahnuŭ Hajdukievič.
Maryja, byłaja žonka Aleha Hajdukieviča, paśla razvodu źjazdžała da baćkoŭ u ZŠA, ale ciapier, vidać, viarnułasia. Jana pracuje vykładčycaj johi ŭ Minsku.
Baćka Maryi — były staršynia Dziaržaŭnaha kamiteta kaštoŭnych papier Valancin Šuchno.
Ciapier čytajuć
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj57
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1515
Kamientary