Rasijski prezident Uładzimir Pucin paśla pieramovaŭ z hreckim premjeram Aleksisam Cyprasam zajaviŭ, što Afiny nie źviartalisia da Maskvy za finansavaj dapamohaj.
Adnak, pa słovach Pucina, Rasija moža dać Hrecyi kredyty ŭ ramkach sumiesnych prajektaŭ, u tym liku ŭ enierhietycy. Taksama, pa słovach rasijskaha prezidenta, Maskva hatovaja inviestavać u infrastrukturnyja prajekty Hrecyi, a taksama ŭdzielničać u tenderach pa pryvatyzacyi.
Hrecki premjer, u svaju čarhu, zajaviŭ, što Afiny majuć prava na samastojnuju źniešniuju palityku, budučy členam ES.
Raniej u intervju ahienctvu TASS na minułym tydni Cypras nazvaŭ sankcyi suprać Rasii «darohaj u nikudy». Straty Hrecyi ad uviadzieńnia Rasijaj praduktovaha embarha, pavodle dadzienych Afin, aceńvajucca ŭ 30-35 młn jeŭra.
Pieršapačatkova Cypras płanavaŭ pajechać ź vizitam u Rasiju ŭ mai, adnak u siaredzinie sakavika pieranios pieramovy na miesiac raniej, bo pieramovy ź ES, na dumku hreckaha boku na toj momant, zajšli ŭ tupik. U čaćvier, 9 krasavika, Hrecyi treba budzie pieraličyć MVF čarhovy tranš u ramkach pahašeńnia źniešniaha doŭhu.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary