«Na ŭsie arhumienty — admova». U Minsku viernikam nie dazvolili pamalicca la Čyrvonaha kaścioła ŭ pamiatnuju datu
Ksiondz Uładzisłaŭ Zavalniuk, eks-probašč parafii Čyrvonaha kaścioła ŭ Minsku, adkazny za praces bieatyfikacyi jaho fundatara Edvarda Vajniłoviča raspavioŭ pra vynik svajoj razmovy z dyrektaram «Minskaj spadčyny», piša kanał «Katolik.life».
Va ŭłasnaści hetaha dziaržpradpryjemstva znachodzicca Čyrvony kaścioł, pad ścianoj jakoha pachavany Vajniłovič. Da 10‑j hadaviny abviaščeńnia jaho Słuhoj Božym, jakuju adznačać 10 krasavika, ksiondz prasiŭ dapuścić jaho i hrupu viernikaŭ naviedać sarkafah Vajniłoviča, kab pamalicca, uskłaści kvietki.
U kaściole ciapier pravodziać rekanstrukcyju i budynak zakryty vysokim płotam, dostup na jaho terytoryju zabaronieny. Tamu śviatar źviartaŭsia pa dazvoł padyści da sarkafahu.
Ale, jak raspavioŭ jon na jutub-kanale, atrymaŭ admovu.
Kamientary