Amierykancy navučylisia stvarać palarnaje źziańnie z arbity
Treba tolki stvaryć i zapuścić na arbitu kampaktny, ale mahutny paskaralnik čaścinak.
Palarnyja źziańni dla žycharoŭ Ziamli možna stvarać štučna, pišuć navukoŭcy ŭ časopisie Journal of Geophysical Research.
Z dapamohaj kampaktnaha paskaralnika elemientarnych čaścinak Compass, raspracavanaha ŭ amierykanskaj Nacyjanalnaj łabaratoryi paskaralnikaŭ, možna pravodzić daśledavańni čaścinak u vierchnich płastach atmaśfiery.
Pabočny efiekt daśledavańniaŭ z paskaralnikam Compass — samyja sapraŭdnyja palarnyja źziańni.
Compass u try razy bolš mahutny za ŭžo zapuščanyja na arbitu paskaralniki čaścinak. Enierhija pramienia, jaki aparat skiruje na Ziamlu z vyšyni 300 km, moža dasiahać 10 elektronvolt za impuls u 0,1 mikrasiekundy.
Takija mahutnaści patrebnyja dla daśledavańnia mahnitnaha pola Ziamli i vyvučeńnia hieamahnitnych buraŭ, a taksama daśledavańniaŭ elemientarnych čaścinak.
Pabočny efiekt ad jaho strełaŭ u tym, što «razahnanyja» malekuły stvorać u atmaśfiery palarnaje źziańnie. Naturalnyja palarnyja źziańni ŭtvarajucca padobnym čynam, ale ad čaścinak soniečnaha vietru, što ŭzajemadziejničajuć ź vierchnimi płastami atmaśfiery.
Tearetyčna, pramiani Compass mohuć navat utvaryć ekzatyčnyja vidy małanak.
Pakul Compass jość tolki prajektam, ale navukoŭcy kažuć ab mahčymaści i metazhodnaści jaho stvareńnia. Ab mahčymaści stvareńnia palarnych źziańniaŭ «pa zamovie» ŭ artykule nie pišuć.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary