Vizit prezidenta Respubliki Biełaruś Alaksandra Łukašenki ŭ Hruziju adbudziecca 23—24 krasavika. Pra heta paviedamlaje vydańnie «Hruzija Anłajn» sa spasyłkaj na MZS krainy.
Jak zajaviŭ śpikier MZS Hruzii David Kiereselidze, u ramkach vizitu Łukašenka sustreniecca sa svaim hruzinskim kaleham Hieorhijem Marhviełašvili, premjer-ministram Iraklijem Harybašvili i staršynioj parłamienta Davidam Usupašvili.
Łukašenka naviedaje i Batumi.
Kiraŭnik Biełarusi prybudzie ŭ Hruziju razam ź biznes-delehacyjaj. Pa słovach Davida Kiereselidze, inšyja detali prahramy vizitu pakul jašče ŭdakładniajucca.
Stasunki Hruzii i Biełarusi ŭ apošnija hady raźvivalisia chvalepadobna. Paśla pieramohi «revalucyi ružaŭ» u 2003 h. i prychodu da ŭłady Michaiła Saakašvili pamiž krainami nie było ciesnych kantaktaŭ na vysokim uzroŭni.
Pieryjadyčna hučała ŭzajemnaja krytyka kiraŭnikoŭ abiedźviuch dziaržaŭ. Adnak užo ŭ 2007 hodzie biełaruski prezident zajaviŭ, što ŭ jaho «skłalisia dobryja adnosiny z Saakašvili». Dadatkovy impuls adnosinam nadała pazicyja Biełarusi pa niepryznańni niezaležnaści Abchazii i Paŭdniovaj Asiecii paśla rasijska-hruzinskaj vajny 2008 hoda.
Saakašvili navat pavinšavaŭ Łukašenku ź pieramohaj na vybarach u 2010 hodzie, niahledziačy na toje, što vyniki hetych vybaraŭ tak i nie byli pryznanyja nivodnym z zachodnich partnioraŭ Hruzii.
Paśla pieramohi Hieorhija Marhviełašvili na vybarach prezidenta Hruzii ŭ 2013 hodzie Alaksandr Łukašenka nakiravaŭ jamu aficyjnaje vinšavańnie.
Kamientary