Rasijskaje MNS nie dapamahło vałancioram dastavić humdapamohu ŭ Chakasiju: usie mašyny na Danbasie
Kiraŭnictva MNS pryniało rašeńnie nie davać vałancioram pieciarburhskaha ruchu «Viasna» transpart dla adpraŭki humanitarnaj dapamohi paciarpiełym ad lasnych pažaraŭ u Chakasii. Pa słovach samich dobraachvotnikaŭ, u MNS im padziakavali za chutkuju reakcyju i inicyjatyvu, ale paviedamili, što ciapier usie mašyny na Danbasie.
Bolš za toje, u MNS zajavili, što śpiecyjalnyja samaloty ministerstva lotajuć tolki z Maskvy, dastavić ža hruz pa čyhuncy mahčyma tolki na kamiercyjnaj asnovie. U viedamstvie taksama papiaredzili, što adpraŭka humanitarnaj dapamohi zapatrabuje ŭzhadnieńniaŭ: dla dastaŭki hruzu samalotam nieabchodna nakiravać aficyjny list z vopisam rečaŭ.
Jak raspaviali vałanciory, im užo ŭdałosia znajści čałavieka, jaki hatovy advieźci humanitarnuju dapamohu ŭ Chakasiju na mašynie, kali jamu apłaciać bienzin. Pry hetym adna ź pieciarburhskich kampanij pahadziłasia pakryć hetyja vydatki i ananimna pieraličyła dla hetaha 65 tysiač rubloŭ.
Za tydzień aktyvistam «Viasny» udałosia sabrać 230 kiłahramaŭ praduktaŭ, 10 kiłahramaŭ lekaŭ, 1,5 tysiačy pradmietaŭ adzieńnia i stolki ž haspadarčych tavaraŭ dla pieradačy paciarpiełym u Chakasiju. Pry hetym vałanciory nie źbirali hrošy, a prasili ŭsich, chto adhuknuŭsia, pieraličvać materyjalnyja srodki na rachunak, adkryty ŭradam rehijonu.
U hety ž čas aktyvisty adznačajuć, što vialikaja častka dapamohi nie dachodzić da žycharoŭ Chakasii. Pa ich słovach, meblu i techniku raskradajuć na punktach sartavańnia dapamohi. Mienavita tamu jany vyrašyli adpravicca ŭ Chakasiju asabista, kab prakantralavać praces dastaŭki.
Kamientary