Byłoha milicyjaniera i futbalista amatarskaj lihi asudzili za «sadziejničańnie ekstremisckaj dziejnaści»
31‑hadovy Anton Makaraŭ pajšoŭ ź siłavych orhanaŭ u 2017-m.
Antonu Makaravu 31 hod. Sa źviestak «Kibierpartyzanaŭ», da 2017 hoda Makaraŭ pracavaŭ u siłavych strukturach. Jon zajmaŭ pasadu milicyjaniera-kiroŭcy ŭ apieratyŭna-dziažurnaj słužbie Zavodskaha RUUS Minska, byŭ staršym siaržantam milicyi.
Makaraŭ zvolniŭsia z orhanaŭ u studzieni 2017 hoda. Pracavaŭ u inšych śfierach.
U sacsietkach jon dzialiŭsia fotazdymkami ź siamjoj — u jaho jość žonka i dvoje dziaciej.
Makaraŭ — amatar futboła i hulec kamandy «Fieniks», jakaja vystupaje ŭ Amatarskaj lizie futboła (AŁF). U siezonie 2025 hoda Anton byŭ adnym z klučavych hulcoŭ składu, vystupaŭ na pazicyi abaroncy. U viasnovym turniry 2025 hoda jaho pryznali najlepšym hulcom spabornictvaŭ, a kamanda zaniała treciaje miesca.
Makarava asudzili ŭ Minskim haradskim sudzie pa dźviuch častkach artykuła 361‑4 — «sadziejničańnie ekstremisckaj dziejnaści». Detali kryminalnaj spravy nieviadomyja, ale pieraśled moža być źviazany sa spravaj Hajuna. Ciapier Makaraŭ adbyvaje pakarańnie — heta abo kałonija, abo chimija z nakiravańniem.
«Naša Niva» — bastyjon biełaruščyny
PADTRYMAĆ
Kamientary