Juryj Zisier pra słovy Łukašenki ab sabie: Ja nie ŭjaŭlaju, jak možna kantralavać usich jaŭrejaŭ
Padčas štohadovaha zvarotu da parłamienta Alaksandr Łukašenka pahroźliva vykazaŭsia ab uładalniku partała Tut.by Juryju Zisieru. Maŭlaŭ, jaho nijak nie ŭdajecca «narmalizavać», choć daručeńnie «usich jaŭrejaŭ uziać pad kantrol» užo daŭno dadzienaje staršyniu Minskaha abłvykankama Siamionu Šapiru.
«Naša Niva» datelefanavałasia Juryju Zisieru. Jon pakul nie zmoh nijak prakamientavać słovy Łukašenki.
«Ja ŭ Amsterdamie, ničoha jašče nie čuŭ, vy mianie ździvili. Ja znajomy z Šapiram i ŭ nas dobryja adnosiny, adnak ab tym, što jon niejkaha tam pavinien uziać pad kantrol pa etničnaj prykmiecie — upieršyniu čuju. Prylaču dadomu — tam raźbiaromsia».
Paźniej u kamientary Tut.by Juryj Zisier zajaviŭ: «Biezumoŭna, samyja roznyja čynoŭniki, u tym liku i Šapira, dajuć nam rekamiendacyi i vykazvajuć svajo mierkavańnie abo niezadavolenaść adnosna našych materyjałaŭ. Heta ŭ našaj dziaržavie ŭ paradku rečaŭ.
Ale ja sabie nie ŭjaŭlaju, jak možna kantralavać ŭsich jaŭrejaŭ. Bo jany nie źjaŭlajucca niejkaj arhanizacyjaj. Ich u našaj krainie dziasiatki tysiač. My, viadoma, słuchajem dumki hetych ludziej. Ale ŭsie rašeńni prymajem samastojna, zychodziačy z našaj redakcyjnaj palityki», — skazaŭ jon.
Voś videa vykazvańnia Alaksandra Łukašenki:
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju44
Kamientary