Navukoŭcy majuć namier kłanavać samy stary dub Biełarusi — Car-dub, jaki raście niedaloka ad vioski Dubičny ŭ Pažežynskim laśnictvie Małaryckaha rajona.
Niadaŭna navukovy supracoŭnik homielskaha Instytuta lesu NAN Biełarusi ŭziaŭ pryrodny materyjał dla kłanavańnia duba — halinki ź vierchniaj krony, jakija dapamoh zrezać prafiesijny alpinist-vyšyńnik. Kali kłanavańnie projdzie paśpiachova, to maładyja dreŭcy — «dzietki» Car-duba razyjducca pa dendraparkach Biełarusi.
Navukoviec pabyvaŭ la duba razam z ekśpiedycyjaj, jakuju arhanizavaŭ kiraŭnik bresckaha viełakłuba «Radzieja» Valancin Bałdenka. Udzielniki pajezdki pravieryli i ŭmacavali «achovu ad małanak» duba, a taksama pakinuli pasłańnie ź vieršami budučym pakaleńniam.
Laśničy Pažežynskaha laśnictva Siarhiej Kasyniuk, jaki supravadžaŭ haściej, raspavioŭ, što na terytoryi laśnictva jość dva pomniki pryrody respublikanskaha značeńnia: Car-dub, uzrost jakoha 850 hadoŭ (vyšynia kala 46 mietraŭ, u dyjamietry dreva — 2,14 mietra), i Dub-patryjarch, jakomu kala 700 hadoŭ (vyšynia 40 mietraŭ, dyjamietr — 1,96 mietra).
Akramia ich, u Małaryckim rajonie pomnikami pryrody źjaŭlajucca taksama astraŭnyja jelniki na płoščy bolš za 13 hiektaraŭ i 2 lasnyja buki, jakim pa 150 hadoŭ.
Ciapier čytajuć
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści66
Učora — u łukašenkaŭskaj turmie, siońnia — u Kijevie dapamahaje ŭkraincam vyžyć. Były palitviazień i svajak Cichanoŭskaj staŭ vałancioram u Punkcie niazłomnaści6
Chočacie žyć doŭha — šukajcie rajon z narmalnymi drevami. Navukoŭcy vyśvietlili, što drevy ratujuć ad infarktaŭ, a hazony mohuć navat naškodzić zdaroŭju22
Kamientary