Dziaržaŭny doŭh Respubliki Biełaruś na 1 maja 2015 hoda skłaŭ 236,6 trłn rubloŭ i pavialičyŭsia ŭ paraŭnańni z pačatkam 2015 hoda na 39,1 trłn rubloŭ, ci na 19,8%.
Pry hetym, jak paviedamiła Ministerstva finansaŭ, źniešni dziarždoŭh pa stanie na 1 maja skłaŭ $12,7 młrd, pavialičyŭšysia z pačatku hoda na $107,2, ci na 0,9% (z ulikam kursavych roźnic).
U studzieni—krasaviku 2015 hoda pryciahnuty źniešnija dziaržaŭnyja pazyki na sumu $375,9 młn: $251,8 młn — urada i bankaŭ Rasijskaj Fiederacyi; $120,3 młn — bankaŭ KNR; $3,8 młn — MBRR.
Na pahašeńnie źniešniaha dziarždoŭhu z pačatku hoda nakiravana $322,5 młn: $87,5 młn — urad Rasijskaj Fiederacyi; 75,9 młn — MVF; $88,3 młn — AKF JeŭrAzES; $64,7 młn — banki KNR; $5,4 młn — MBRR; $0,7 młn — ZŠA.
Unutrany dziarždoŭh pa stanie na 1 maja skłaŭ 53 trłn rubloŭ, pavialičyŭšysia z pačatku hoda na 4,6 trłn rubloŭ, ci na 9,6% (z ulikam kursavych roźnic).
Pavodle źviestak Minfina, za studzień—krasavik 2015 hoda raźmieščana ŭnutranych valutnych dziaržaŭnych ablihacyj dla jurydyčnych asob na sumu, ekvivalentnuju $88 młn, i 340,5 młrd rubloŭ. Z pačatku 2015 hoda pahašana valutnych i rublovych dziaržaŭnych ablihacyj dla fizičnych i jurydyčnych asob (biez uliku apieracyj pa abmienie) na sumu $175 młn i 765,4 młrd rubloŭ.
Ciapier čytajuć
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary