Rasijski akcior Panin: «Spadar Parašenka, ja b pierarezaŭ vam horła!»
Skandalna viadomy rasijski akcior Alaksiej Panin vykazaŭ svaje mierkavańni nakont taho, što adbyvajecca va Ukrainie, a taksama raskazaŭ pra svajo staŭleńni da ukraincaŭ.
«Krym zaŭsiody byŭ ruskim. Jaho žychary zaŭždy adčuvali siabie rasijanami… Adesity nikoli nie adčuvali siabie ukraincami», — raskazvaje pra svaje vizity ŭ Krym i Adesu Panin.
Taksama rasijski akcior raskazaŭ pra svajo ŭsprymańnie nasielnictva susiedniaj z Rasijaj dziaržavy: «Ukraincy — vielmi dobraja nacyja, ale, na žal, vielmi durnaja. Tak zapudryć mazhi možna tolki papuasam ź plemieni Novaja Hvinieja. Im nibyta karaliki pakazali, i jany biahuć za hetymi karalikami. Jany durnyja. Hetym karystajucca amierykancy — chto zaŭhodna. Parašenka toj ža samy».
Dalej, jak kažuć, «Astapa paniesła», i jon vyrašyŭ źviarnucca piersanalna da prezidenta Ukrainy Piatra Parašenki: «Spadar Parašenka, heta ŭžo navat nie sprava sumleńnia. Ja navat nie zaklikaju da vašaha sumleńnia — u vas jaho niama. Vy nie toje što niesumlenny čałaviek, vy — žyvioła. Ja ź vialikim zadavalnieńniem svaimi rukami pierarezaŭ by vam horła».
U svaim manałohu akcior pryhadvaje niejkija rasijskija prapahandysckija štampy nakštałt zabitych dziaciej «niedzie ŭ Daniecku ci Łuhansku», a taksama adarvanyja ruki ludziej i źniščanyja damy.
«Jak ža chočacca, kab ruskija vojski sapraŭdy ŭvajšli da vas tudy. Jak ža mnie chočacca pabačyć Lvoŭ u ahni», — praciahvaje svoj zvarot da prezidenta Ukrainy Panin.
Zaviaršajecca videa prosta fiejeryčnaj raźviazkaj, jakoj nie čakaŭ by, peŭna, navat sam Kviencin Tarancina: «Ja chaču pažadać usim dabra! Budźcie dobrymi!»
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary