Žonka izrailskaha ministra paraŭnała Abamu z kavaj: «čornaja i słabaja»
Žonka izrailskaha ministra ŭnutranych spraŭ, radyjoviadučaja Džudzi Šałom Nir-Mozies, vybačyłasia za žart u tvitary pra prezidenta ZŠA Baraka Abamu, jaki niekatoryja karystalniki sacsietak paličyli rasisckim.
Žonka ministra vydaliła tvit, jaki trapiŭ pad krytyku jaje padpisčykaŭ, napisaŭšy, što prosić prabačeńnia za «durny žart».
Raniej Džudzi Šałom Nir Mozies, u jakoj amal 75 tysiač padpisčykaŭ u Twitter, napisała ŭ siabie ŭ mikrabłohu: «Viedajecie, što takoje «kava Abama»? Čornaja i słabaja».
Muž radyjoviadučaj, kiraŭnik MUS Izraila Silvan Šałom, u traŭni byŭ pryznačany premjeram Bińjaminam Nietańjachu adkaznym za mirnyja pieramovy z palestyncami i stratehičny dyjałoh sa Złučanymi Štatami.
Džudzi Šałom Nir-Mozies taksama paźniej pairanizavała ŭ tvitary, vykazaŭšy nadzieju, što hety durny žart nie razburyć jaje šlub.
«Prašu prabačeńnia, kali ja kahości pakryŭdziła. Ja spadziajusia, što ja zastanusia zamužam, kali moj muž vyjdzie z samalota i daznajecca, što ja zrabiła», — napisała Džudzi Šałom Nir Mozies.
Kamientary