Były top-mieniedžar «Hrodna Azota» ŭznačaliŭ filijał rasijskaha «Urałchima»
Siarhiej Silivonik, jaki byŭ pieršym namieśnikam hienieralnaha dyrektara i hałoŭnym inžynieram «Hrodna Azota», pierajšoŭ pracavać u rasijskuju karparacyju «Urałchim» i staŭ dyrektaram jaje filijała ŭ horadzie Bieraźniki. Pra heta paviedamlajecca na sajcie kampanii, zaŭvažyŭ Office Life.
Siarhiej Silivonik naradziŭsia ŭ 1982 hodzie. U 2004‑m jon skončyŭ Biełaruski dziaržaŭny technałahičny ŭniviersitet pa śpiecyjalnaści «chimičnaja technałohija vytvorčaści i pierapracoŭki niearhaničnych materyjałaŭ i rečyvaŭ, technałohija minieralnych uhnajeńniaŭ, solaŭ i ščołačaŭ». U 2018‑m atrymaŭ adukacyju ŭ Akademii kiravańnia pry prezidencie Biełarusi pa śpiecyjalnaści «Ekanomika i kiravańnie na pradpryjemstvie pramysłovaści».
Svaju karjeru ŭ «Hrodna Azot» Silivonik pačaŭ u 2004 hodzie. U 2014‑m staŭ načalnikam cecha, a ŭ 2018‑m — načalnikam upraŭleńnia pa realizacyi budaŭnictva azotnaha kompleksu. Z 2019 hoda pracavaŭ hałoŭnym inžynieram pradpryjemstva, a z 2021 hoda — pieršym namieśnikam hienieralnaha dyrektara i hałoŭnym inžynieram.
20 studzienia 2026 hoda jon uznačaliŭ filijał «Azot» AAT «ACHK «Urałchim» u Bieraźnikach. Na hetaj pasadzie Silivonik budzie adkazvać za apieracyjnuju efiektyŭnaść, pramysłovuju biaśpieku, jakaść pradukcyi i vykanańnie płanavych pakazčykaŭ.
Filijał «Urałchima» ŭ Bieraźnikach Piermskaha kraju — adziny ŭ Rasii vytvorca vyšejšych alifatnych aminaŭ, natryjevaj sielitry i kryštalovaha nitrytu natryju. Asnoŭnaja pradukcyja — amijačnaja sielitra, techničny amijak, amijačnaja vada i inšaje. «Urałchim» źjaŭlajecca adnym z najbujniejšych suśvietnych vytvorcaŭ i eksparcioraŭ azotnych uhnajeńniaŭ.
Eks-palitviazień raskazaŭ, što adbyvałasia ŭ 2020‑m na «Hrodna Azocie» i jak jaho ŭ kałonii davodzili da suicydu
Byłoha rabotnika «Hrodna Azotu» źbivali ŭ kałonii za chrapieńnie. KDB pry zatrymańni sprabavaŭ jaho vierbavać
Ci spynilisia zvalnieńni pa palityčnych matyvach? Voś što raskazali ŭ niekalkich dziaržaŭnych arhanizacyjach
Na «Hrodna-Azot» raskazali, jak supracoŭnikaŭ praviarajuć na palihrafie. Heta tolki paharšaje situacyju z deficytam kadraŭ
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić11
Kamientary
Čyja intaresy adstojvał hety tip mieniedžer na HrodnaAzocie??
Čyju karyść??