Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiłosaf i były palitviazień raić usim skarystacca simvaličnym kapitałam Cichanoŭskaj dla dasiahnieńnia ahulnaj mety.
Fiłosaf Uładzimir Mackievič vyklikaŭ ahoń na siabie. Jon rezka raskrytykavaŭ tych, chto dyskredytuje Śviatłanu Cichanoŭskuju, i pryznaŭ, što začaravany joj jak unikalnaj źjavaj.
«Zachavajcie toje, što ja zaraz napišu. U miemaryz! Jak kazali na dośvitku internetu. Abo zarubicie sabie na nosie! Jak kazali nastaŭniki tarmaznutym vučniam u tyja časy, kali ź imi nie nasilisia jak ź pisanaj torbaj.
Cichanoŭskuju źniać, zamianić, pieraabrać NIELHA.
Nielha — i ŭsio. Nie tamu, što ja ŭ jaje zakachany (a ja i praŭda joj začaravany), nie tamu, što ŭ joj vielmi maje patrebu Franak Viačorka ci niechta jašče.
A tamu, što jana stała Śviatłanaj Cichanoŭskaj u vyniku ŭnikalnaj i niepaŭtornaj padziei. Heta niemahčyma paŭtaryć, a hałoŭnaje — i nie treba. Tamu nichto nie moža zaniać jaje miesca.
Nie mučajciesia, nie rabicie taho, što NIEMAHČYMA.
Lepš dumajcie pra toje, jak hetaj unikalnaj źjavaj skarystacca. Vykarystać jaje ŭ mirnych metach, dla dasiahnieńnia našaj ahulnaj mety. Bo pakul vielizarny simvaličny kapitał (darečy, nie jaje asabisty kapitał, a naš ahulny) Śviatłany Cichanoŭskaj rastračvajecca. I imkliva rastaje. Jak baćkoŭskaja spadčyna, jakuju marnatraviać chanuryki-mažory.
I ŭsie, chto z durnoty łaje i dyskredytuje Cichanoŭskuju, — heta i jość tyja samyja marnatraŭcy.
Skazanaje nie datyčycca Ofisa i Kabinieta. Ich treba krytykavać — i jość za što. Supracoŭniki Ofisa i Kabinieta taksama marnujuć nie svoj kapitał», — pierakonvaje Uładzimir Mackievič.
Fiłasaf i mietadołah Uładzimir Mackievič u žniŭni 2021 hoda byŭ aryštavany KDB. U červieni 2022 hoda Minski abłasny sud asudziŭ jaho na piać hadoŭ kałonii za ŭdzieł u pratestach, stvareńnie «ekstremisckaha farmavańnia» i «abrazu Łukašenki». U vieraśni 2025 hoda byŭ vyzvaleny i departavany ŭ Litvu.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary
A lidarstva zasłuhoŭvajecca! Heta zasłuha nie tolki Śviatłany Cichanoŭskaj, ale i jaje kamandy! My bačym vaniki vyšaj pracy, bačym vašu pradstaŭničuju dziejnaść i ŭdziačny za jaje!