Jak Biełaruś i inšyja krainy vyrašajuć prablemy VIASIOŁAJA KARCINKA
Pa biełaruskim siehmiencie sacsietak imkliva raźlatajecca karcinka francuzskaha dyzajniera Žeroma Vadona «Jak roznyja krainy vyrašajuć prablemy». «Naša Niva» pierakłała papularny žart na biełaruskuju… i troški dapoŭniła.
Na samoj spravie, karcinka nie novaja: asnoŭnaja chvala jaje papularnaści za miažoj pryjšłasia na 2013 hod. Pra heta aŭtar navat raspaviadaŭ u intervju brytanskamu Kwintessential.
Pa słovach Vadona, pieršym jaho nacyjanalnym žartam była karcinka 2011 hoda pra toje, čamu jon nie moža dobra vyvučyć isłandskuju. Paźniej jon zrabiŭ prosty malunak na temu adroźnieńniaŭ u vyrašeńni prablem dla svajho amierykanskaha siabra. Hety malunak pačaŭ raźlatacca pa internecie i staŭ nievialičkim miemam — ludzi aktyŭna pierapoščvali jaho i dapaŭniali.
Paźniej jon namalavaŭ niekalki viersij — z kožnaj nastupnaj ideja stanaviłasia bolš papularnaj. Druhoj viersijaj na Facebook i Twitter padzialilisia 20 tysiač raz, treciaj — 300 tysiač čałaviek tolki za pieršyja try dni.
«Stereatypy — vydatnyja instrumienty, — kaža dyzajnier. — Jany pasłablajuć napružanaść pamiž krainami, robiać zvyčajnyja rysy śmiešnymi i dapamahajuć nam pahladzieć na samich siabie. […] Ale časam jany mohuć być śmiertanosnaj zbrojaj zmanu. Historyja poŭnaja sumnych prykładaŭ, daloka iści nie treba… Druhaja suśvietnaja, Paŭdniovaja Afryka, Sierbija. Mnohija etničnyja kanflikty bazujucca na stereatypach, jakimi manipulujuć niadobrym čynam. U žyćci ŭsio zaležyć ad taho, u čyich rukach hetki instrumient».
Kamientary