Kampanija maładych ludziej raźbiłasia paśla adpačynku na pryrodzie 9 lipienia ŭ Hancavickim rajonie, paviedamili ŭ adździele ahitacyi i prapahandy DAI UUS Bresckaha abłvykankama.
Trahiedyja adbyłasia siońnia nočču kala 2:00 kala vioski Budča. Bačnaść na hetym učastku trasy N1 abmiežavanaja. Tym nie mienš, miascovy žychar 1993 hoda naradžeńnia, kirujučy aŭtamabilem «Opiel-Viektra», značna pieravysiŭ dapuščalny na ŭčastku chutkasny režym i nie spraviŭsia z kiravańniem. U vyniku aŭtamabil źjechaŭ u pravy pa chodzie ruchu kiuviet, dzie najechaŭ na prydarožnyja drevy i pierakuliŭsia.
Ad atrymanych traŭmaŭ kiroŭca zahinuŭ na miescy zdareńnia. Dva pasažyry (abodva 1997 hadoŭ naradžeńnia) atrymali traŭmy: adzin — adkryty pierałom abiedźviuch kaściej pravaha pieradplečča, druhi — zakrytuju čerapna-mazhavuju traŭmu. Treci pasažyr nie paciarpieŭ. Jon samastojna pakinuŭ transpartny srodak, dajšoŭ da vioski i paklikaŭ na dapamohu fielčara.
Paciarpiełych pasažyraŭ špitalizavali ŭ Hancavickuju CRB. U ich ŭziataja kroŭ na daśledavańnie. Stan zahinułaha kiroŭcy vyjavić sudmiedekśpiertyza.
Usie ŭdzielniki DTZ byli pryšpilenyja ramianiami biaśpieki — heta i vyratavała žyćci troch maładych ludziej, adznačyli ŭ Dziaržaŭtainśpiekcyi. Kali b stojka aŭtamabila nie začapiła hałavu kiroŭcy, mahčyma, jon by taksama zastaŭsia žyvy. Vyśvietliłasia, što małady čałaviek nie mieŭ stažu kiravańnia (paśviedčańnie kiroŭcy atrymaŭ 26 maja 2015 hoda). Aŭtamabil, na jakim ustanoŭleny zimovy kamplekt šyn, nie prajšoŭ techahlad.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary