Były prezident ZŠA Džordž Buš-starejšy dastaŭleny ŭ balnicu, bo złamaŭ šyjny pazvanok u vyniku padzieńnia, adnak jaho žyćciu ničoha nie pahražaje, paviedamiŭ jaho pres-sakratar Džym Makhrata.
«Jaho stan stabilny, jon u paradku, adnak jamu pryjdziecca nasić šyjny karset», - napisaŭ Makhrata ŭ tvitary.
Jak paviedamlaje Si-en-en, Buš zvaliŭsia ŭ sieradu ranicaj va ŭłasnym domie ŭ horadzie Kieniebankport, štat Men, i ciapier prachodzić lačeńnie ŭ balnicy Portlenda.
«My nie dumajem, što jon zastaniecca ŭ balnicy nadoŭha», — skazaŭ Makhrata.
91-hadovy Džordž Buš-starejšy, jaki ŭznačalvaŭ Złučanyja Štaty z 1989 pa 1993 hady, źjaŭlajecca ŭdzielnikam Druhoj suśvietnaj vajny i samym pažyłym z byłych prezidentaŭ ZŠA, jakija ciapier žyvuć (Karter, Buš-małodšy, Klintan). Jon daŭno pierasoŭvajecca ŭ invalidnym vazku.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary