Ruskaja pravasłaŭnaja carkva i Padlikovaja pałata RF buduć razam zmahacca z karupcyjaj i adnaŭlać kulturna-histaryčnuju spadčynu. Adpaviedny dakumient u piatnicu padpisali patryjarch Maskoŭski i ŭsiaje Rusi Kirył i staršynia Padlikovaj pałaty Taćciana Holikava.
«Praca Padlikovaj pałaty akazvaje značny ŭpłyŭ na maralny klimat u hramadstvie. My viedajem takuju źjavu, jak karupcyja, praściej skazać — kradziež», — skazaŭ patryjarch Kirył, dadaŭšy, što karupcyja «padryvaje asnovy dziaržavy».
U svaju čarhu, Holikava zapeŭniła pradstajaciela RPC, što Padlikovaja pałata «usialak spryjaje adradžeńniu viery ŭ ludziach»: «Jak mnie zdajecca, heta samaje hałoŭnaje, tamu što kali čałaviek žyvie ź vieraj u Boha, jon zdolny ździajśniać vialikija spravy».
Pavodle tekstu dakumienta, Padlikovaja pałata i RPC buduć razam zmahacca «za zaćviardžeńnie maralnych kaštoŭnaściaŭ u Rasii, a taksama razam supraćstajać karupcyi, ekstremizmu, duchoŭnaj ekspansii».
Napiaredadni stała viadoma, što Ruskaja pravasłaŭnaja carkva źviarnułasia da ŭładaŭ Sankt-Pieciarburha z prośbaj pieradać joj u biazvypłatnaje karystańnie Isakijeŭski sabor, jaki źjaŭlajecca ciapier muziejem-pomnikam.
Kamientary