Pačatak niekalki razoŭ pieranosiŭsia z-za śniehapadu i ŭ vyniku admienieny.
U pieršaj kvalifikacyi pavinny byli ŭziać udzieł try biełaruski: Hanna Dziaruha, Hanna Huśkova i Anastasija Andryjanava.
Razam ź inšymi 22 frystajlistkami, jany pavinny byli pazmahacca za šeść puciovak u finał.
U druhoj kvalifikacyi pavinny byli ŭdzielničać jašče 25 frystajlistak. U vyniku ŭ finale za miedali pavinny byli zmahacca na nastupnyja dzień 12 spartovak.
Admieniena taksama mužčynskaja kvalifikacyja. Ich čas i datu paviedamiać dadatkova.
«Siarod asnoŭnych pryčyn — składanyja ŭmovy nadvorja, u jakich niemahčyma zabiaśpiečyć akazańnie terminovaj mieddapamohi ŭ vypadku nieabchodnaści. Darohi zasypanyja śnieham, što abciažarvaje dastaŭku navat da miedpunkta. Viertalot uźlacieć nie moža», — udakładnili pryčyny ŭ NAK Biełarusi sa spasyłkaj na arhkamitet Alimpijady.
Biełaruś brała miedali ŭ frystajle na kožnaj Alimpijadzie z 1998 hoda. Taja ž Hanna Huśkova ŭziała zołata ŭ 2018 hodzie i srebra ŭ 2022-m.
Siońnia viečaram projdzie karotkaja prahrama ŭ žanočym fihurnym katańni. Biełaruska Viktoryja Safonava vyjdzie na lod pieršaj a 20:45.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary