Alaksandr Łukašenka siońnia daje intervju pradstaŭnikam troch niedziaržaŭnych srodkaŭ masavaj infarmacyi. Zaprošany pradstaŭniki TUT.BY, Jeŭraradyjo i radyjo «Svaboda».
Na pytańnie Jeŭraradyjo pra toje, ci zmoh by Łukašenka-apazicyjanier 1994 hoda pieramahčy na vybarach Łukašenku-prezidenta 2015 hoda, kiraŭnik dziaržavy adkazaŭ:
«Tady jašče bolš žorstka było. Tady zapłacili ludziam i skazali: «Voś tak pavinna być». Ale tady ludzi vałam išli za Łukašenku hałasavać. Tady jašče bolš žorstka ličyli. Nie ŭ hetym sprava. Situacyja inšaja i źniešniaja, i ŭnutranaja. Ale naŭrad ci b ja pieramoh, kali b ciapier byŭ na ich miescy. Tamu što ludzi mnohaje zrazumieli. Ciapier ludzi majuć, što hublać. Nichto nie choča žyć u krainie, jakaja vajuje».
Łukašenka skazaŭ, što ciapierašniaja apazicyja «zanadta dalokaja ad naroda»: «Užo zanadta dalokija jany ad naroda. I vy ž nie vierycie ŭ svaju pieramohu — usiudy pišacie, što Łukašenka pieramoža. Navat tyja, chto chacieŭ suprać mianie zmahacca, dumajuć: «Nu, Łukašenka pieramoža».
A kali havorka zajšła pra debaty, Łukašenka skazaŭ: «Nazavicie proźvišča. Pra što ja ź imi budu havaryć? Kiebič byŭ premjeram i jon «źnizašoŭ» da taho kab z Łukašenkam debatavać. Pra što mnie havaryć ź Niaklajevym? Ja nie bajusia ź imi sieści i abmiarkoŭvać štości».
Ciapier čytajuć
«Dziela svaich dzietak, kab da ich viarnucca». Daškievič raskazaŭ, jak trapiŭ u «nizki status» i napisaŭ prašeńnie ab pamiłavańni8
Kamientary