Dziela demanstracyi technałohii mozh myšy razrezali na nanašmatki.
Amierykanskija navukoŭcy raspracavali technałohiju aŭtamatyčnaha markiravańnia asobnych niejronaŭ u mozhu i raspaviali pra jaje ŭ časopisie Cell. Prajekt raspracoŭvaŭsia pry padtrymcy Nacyjanalnaha instytutu achovy zdaroŭja ZŠA, a taksama DARPA, Intel, Google i inšymi.
Praz technałohiju VAST karcinki ź mikraskopaŭ možna pieratvarać u masivy źviestak, ź jakich paźniej možna budzie sabrać detalovuju 3D-mapu mozhu. Praŭda, mapa navat kvadratnaha milimietra mozhu vychodzić pakul zanadta detalovaj — na paru tysiač terabajt.
Jak zachavać poŭnuju mapu, navukoŭcy pakul nie prydumali.
Demanstracyjnaje videa technałohii stvarałasia ciaham dvuch hod. Daśledčyki skarystalisia mozham darosłaj myšy, padzialili jaho na šmatočki taŭščynioj u 29 nanamietraŭ i sfatahrafavali na kremnijevych padkładkach. Zdymki zatym byli apracavanyja VATS — atrymałasia pabačyć nie tolki kletki i suviazi miž imi, ale i subkletkavyja adzinki.
Dalokija pierśpiektyvy technałohii niejmaviernyja — jana moža bahata raspavieści pra mozh i intelekt, dapamahčy ŭ lekavańni ci stvareńni supierkampjutaraŭ. Ale dalejšy napramak raźvićcia technałohii na bližejšyja hady pakul nieviadomy.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja115
Kamientary