Na płoščy Jakuba Kołasa pačynajuć budavać piacizorkavy hatel FOTAFAKT
Z 2011 hoda, kali palihrafičny kambinat pa adrasie Čyrvonaja, 23 abjadnaŭsia ź Minskaj fabrykaj kalarovaha druku, vialikaje pamiaškańnie ŭ centry Minska było vystaŭlena na prodaž.
Ciaham dvuch hadoŭ uładalniki nie mahli pradać budynak, mahčyma z-za jaho koštu — 407,2 młrd rubloŭ. Ale ŭžo ŭ 2013 hodzie stała viadoma, što pamiž Minharvykankamam i sietkaj hatelaŭ i kazino «Minsk Prynces Hatel» (uładalnik — tureckaja kampanija Princess International) była zaklučana damova ab nabyćci vialikaj płoščy.
Na sajcie kampanii pakul ničoha nie paviedamlajecca. Ale jak bačna na fota, abjekt budzie zdadzieny ŭ mai 2019 hoda.
Zajaŭlajecca, što novy hatel budzie piacizorkavym. Na siońnia, darečy, u Minsku tolki čatyry supierdarahich, piacizorkavych hatelaŭ — «Jeŭropa», «Piekin», «Kraŭn Płaza» i «Prezident-hatel».
Haściničny kompleks budzie ŭklučać u siabie 207 dvuchmiesnych, 8 čatyrochmiascovych, 35 dvuchmiesnych dvuchuzroŭnievych numaroŭ, parkinh na 300 mašynamiescaŭ, kinazału, dziciačuju hulniavuju zonu, fud-korty, kłub i, kaniešnie, kazino.
Nie ŭsie žychary bližejšych damoŭ zhodnyja z takim rašeńniem, tamu da 9 vieraśnia projduć hramadskija słuchańni.
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała7
Kamientary