«Lubaja dziaŭčyna, što prychodzić u minski kłub — miasa i tavar»: REN-TV nazvała Biełaruś krainaj seks-turyzmu
Siužet vyjšaŭ u pieradačy «Dobrov v efirie». Darečy, jaje aŭtar i viadučy Andrej Dabroŭ, jaki ŭklučany Ukrainaj u sankcyjny śpis za pazicyju pa vajnie na ŭschodzie Ukrainy i anieksii Kryma.
Pieradača biezapielacyjna śćviardžaje: Biełaruś i Ukraina cikavyja tolki tym turystam, jakim patrebnyja niedarahija intymnyja pasłuhi. Hości z Uschodu nibyta tak lubiać seks-tury ŭ Biełarusi, što zdymajuć u Minsku cełyja hateli.
Zatym u roliku pakazvajuć viadomy minski «Blackhall Bar». Aŭtary kateharyčna śćviardžajuć — mužčyny prychodziać siudy nie tančyć, a mienavita «zdymać» dziaŭčat. Dapamahaje pierakanać hledača miascovy ekśpiert — «śviecki ahladalnik internet-vydańnia» Natalla Kapica (darečy, hety «ahladalnik» publikujecca na sajcie trip2.by).
«Vajna razburyła ŭ krainie faktyčna ŭsie histaryčnyja słavutaści. U biełarusaŭ zastaŭsia adziny, ale vielmi pravierany resurs, kab zamanić u krainu turystaŭ — heta miascovyja pryhažuni», — kaža karespandent REN-TV.
Nie zabylisia aŭtary prajścisia i pa krainach Bałtyi: «Minsk i Kijeŭ zmahajucca za zvańnie «samaj raspuščanaj stalicy» z Ryhaj».
Apytanka
Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13
Kamientary