U Homieli na ŭčastku № 9 Centralnaha rajona žančyna-vybarščyca ŭdaryła pa tvary naziralnika. Jak paviedamiŭ BiełaPAN Alaksandr Dzienisienka, naziralnik ad hramadskaj arhanizacyi «BNF» Adradžeńnie «, incydent adbyŭsia kala 14.00.
«Niejkaja hramadzianka padyšła da stała, spytała, čamu my tut siadzim, ja adkazaŭ, što nazirajem na vybarach, i jana mianie ŭdaryła pa tvary. Adrazu ž staršynia kamisii paklikała milicyjanta, jon zatrymaŭ žančynu, jana jašče sprabavała u milicyjanta zabrać svoj pašpart i schavacca. Zaraz ź joj milicyja raźbirajecca», - skazaŭ naziralnik.
Staršynia ŭčastkovaj kamisii Lidzija Samusieva dadała, što žančyna nie prymacavanaja da dadzienaha ŭčastku, jana prapisanaja na mikrarajonie Sielmašaŭski Homiela. «Jana zajšła, rezka kinuła pašpart siabram kamisii, my pahladzieli - nie z našaha ŭčastka, navat nie z našaha rajona. Jana zabrała pašpart, ja sprabavała jaje vypravadzić, a jana padyšła da naziralnikaŭ i ŭdaryła adnaho ź ich u tvar», - skazała staršynia ŭčastkovaj kamisii.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary