Pieršy palot «Biełavija» pa maršrucie Minsk—Adesa—Minsk zapłanavany na niadzielu, 25 kastryčnika. Štodzionnyja rejsy va ŭkrainski horad užo značacca ŭ raskładzie na sajcie avijakampanii.
Rejsy pa maršrucie Minsk—Adesa—Minsk buduć vykonvacca štodnia. U avijakampanii nazyvajuć minimalnyja ceny, u jakija abydziecca bilet. U ekanom-kłasie — kala 1 miljona 900 tysiač rubloŭ (97 jeŭra) u adzin bok i kala 3 miljonaŭ 800 tysiač rubloŭ (196 jeŭra) u dva baki. Minimalny košt pieralotu ŭ biznes-kłasie ŭ adzin bok — kala 4 miljonaŭ 100 tysiač rubloŭ (211 jeŭra), u abodva — kala 8 miljonaŭ 200 tysiač rubloŭ (420 jeŭra).
Adpraŭleńnie ź Minska ŭ 13.00 pa miascovym časie. Nazad, z Adesy ŭ Minsk, samalot vylataje ŭ 14.20 pa miascovym časie. Čas, jaki zojmiepalot u adzin bok, — paŭtary hadziny.
Pieraloty płanujuć vykonvać na «Boinhu-737». Čakajecca, što rejsy buduć ažyćciaŭlacca ŭvieś hod.
Rejs u Adesu moža stać pierśpiektyŭnym z punktu hledžańnia tranzitu praź Biełaruś, asabliva z ulikam stvoranych umoŭ. Nahadajem: Ukraina z 25 kastryčnika ŭvodzić zabaronu na vykanańnie pieralotaŭ nad svajoj terytoryjaj dla cełaha šerahu rasijskich avijakampanij. U adkaz Ministerstva transpartu RF taksama rasparadziłasia «zakryć» nieba svajoj krainy dla ŭkrainskich avijakampanij.
Da ŭźniknieńnia prablemy, źviazanaj z uzajemnym «zakryćciom» nieba pamiž rasiejcami i ŭkraincami, biełaruski pieravozčyk źbiraŭsia pačać lotać u Adesu tolki ŭ 2016 hodzie.
Cikava, što zaryjentavałasia ŭ źmienach na rynku pieravozak nie tolki biełaruskaja avijakampanija. Air Moldova źbirajecca z 26 kastryčnika ŭvieści rejsy z Adesy ŭ Kišynioŭ, jakija buduć zručna stykavacca z samalotam z Kišyniova ŭ Maskvu.
Ciapier čytajuć
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary