Kitajski prafiesar prapanavaŭ biednym mužčynam dzialicca žonkami
Prafiesar kitajskaha Univiersiteta Čžeczian Sie Czošy vyklikaŭ haračyja debaty pa ŭsioj krainie, kali prapanavaŭ biednym mužčynam dzialić žonak, kab vypravić surjozny hienderny dysbałans, jaki nazirajecca ŭ KNR.
U Kitai na 100 dziaŭčynak prychodzicca 118 chłopčykaŭ, što źjaŭlajecca adnym z najbujniejšych razryvaŭ u pałavoj struktury nasielnictva ŭ śviecie.
Da takoha vyniku, na dumku vučonaha, pryviała šmathadovaja palityka «Adna siamja — adno dzicia» razam z tradycyjami, pavodle jakich pieravaha ŭ siamji addajecca chłopčykam.
Pa miery ŭzbahačeńnia kitajskich haradoŭ i pavyšeńnia mabilnaści nasielnictva ŭsio bolš žančyn pierajazdžaje ŭ miehapolisy, paharšajučy hienderny razryŭ ŭ vioscy.
Supracoŭnica kitajskaj žanočaj pravaabarončaj arhanizacyi Czyn Siun asudziła zaklik ekanamista, nazvaŭšy jaho seksistam.
«Heta prablema, jakaja vyrasła z [tradycyjnych] vučeńniaŭ, jakija staviać mužčyn vyšejšymi za žančyn. I ciapier prapanujecca rašeńnie, jakoje znoŭ fakusujecca na mužčynach. Heta nievierahodna śmiešna», — zajaviła pravaabaronca.
Adnak Čžeczian Sie Czošy nastojvaje, što ŭ 2020 h. ŭ KNR budzie pražyvać ad 30 da 40 miljonaŭ chałaściakoŭ.
Pavodle ekanamista, biednyja chałaściaki mahli b paśpiachova ažanicca ź mihrantkami z ekanamična niestabilnych dziaržaŭ Paŭdniova-Uschodniaj Azii i Afryki.
Pry hetym mnohija kitajcy ŭžo stvarajuć siemji ź dziaŭčatami z susiednich Birmy i Vjetnama.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary