Dyrektarku Biblijateki ŭkrainskaj litaratury Natallu Šarynu pasadzili pad chatni aryšt. U sudzie jana zajaviła, što nie pryznaje svajoj viny. Pad chatni aryšt adpravić biblijatekara prasiŭ SK RF. Prakuratura vystupała za mieru strymańnia, nie źviazanuju z pazbaŭleńniem voli.
Na Šarynu zaviali spravu pa artykule 282 KK RF («Uzbudžeńnie nacyjanalnaj nianaviści i varožaści, a roŭna źnievažeńnie čałaviečaj hodnaści»). Jaje abvinavačvajuć u raspaŭsiudzie knih ukrainskaha nacyjanalista Dźmitryja Karčynskaha, jakija ŭ Rasii pryznanyja ekstremisckimi. Hetyja knihi śledčyja znajšli pry vobšuku ŭ biblijatecy.
Pieratrus prajšoŭ 28 kastryčnika. Natallu Šarynu paśla hetaha zatrymali. 30 kastryčnika jaje vazili ŭ SK RF dla pradjaŭleńnia abvinavačvańnia. Jak raspavioŭ advakat dyrektarki biblijateki, joj daviałosia vyklikać «chutkuju dapamohu» z-za vysokaha cisku.
Dźmitryj Karčynski — lidar ukrainskaj arhanizacyi «Braterstva». Hety ruch pryznany ŭ Rasii ekstremisckim, jaho dziejnaść na terytoryi RF zabaronienaja. Karčynski prachodzić pa spravie ab publičnych zaklikach da teraryzmu i «raźviazvańnia ahresiŭnaj vajny». Jaho taksama padazrajuć va ŭdziele ŭ bajavych dziejańniach na baku čačenskich sieparatystaŭ suprać fiederalnych vojskaŭ u 1990-ch hadach.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»41
Kamientary