Sioletni festyval muzyki maładoj Biełarusi «Basovišča» budzie ŭžo 17-m pa liku i projdzie 21-22 lipienia. Peryjad aktyŭnaj padrychtoŭki da śviata rok-muzyki pad adkrytym niebam raspačaty! Voś asnoŭnyja daty ŭ padrychtoŭcy festyvalu:
Sioletni festyval muzyki maładoj Biełarusi «Basovišča» budzie ŭžo 17-m pa liku i projdzie 21-22 lipienia. Peryjad aktyŭnaj padrychtoŭki da śviata rok-muzyki pad adkrytym niebam raspačaty! Voś asnoŭnyja daty ŭ padrychtoŭcy festyvalu:
11 traŭnia
Padviadzieńnie vynikaŭ konkursu na lepšy lahatyp da «Basovišča-2006».
Lahatyp na konkurs musić być adaptavany da troch vidaŭ tradycyjnaj pradukcyi na «Basoviščy»: plakat, značak, majka.
Dapuskajecca peŭnaje adroźnieńnie vyjavaŭ na hetych troch nośbitach, ale jany musiać być u adnym styli. Vitajecca dasyłańnie pracaŭ u viektarnym farmacie (cdr, ai, eps).
Kožny moža dasłać svoj varyjant na konkurs Biełaruskaha abjadnańnia studentaŭ u Polščy (BAS). Elektronny adras: [email protected].
Pieramožcu čakaje pryz u 650 złotych (kala 200 dalaraŭ).
28 traŭnia
Da hetaj daty prymajucca dema-zapisy ad zacikaŭlenych hurtoŭ. Najlepšyja trapiać na adboračny kancert.
11 červienia
Da hetaj daty budzie vyznačana, chto jedzie na «Basovišča-2006» u jakaści kankursantaŭ, a taksama haściej festyvalu i zaprošanych zorak. Bolšaść kankursanaŭ abiare žury padčas adboračnaha kancertu. Jašče adzin hurt abiaruć internet-hałasavańniem na sajcie «Tuzin Hitoŭ».
1 lipienia
Vyznačeńnie hurtoŭ-udzielnikaŭ «Volnaj sceny». Heta placoŭka na «Basoviščy» dla tych, chto nie biare ŭdziełu ŭ konkursnaj prahramie. Kab trapić tudy, treba hurty musiać dasłać svoj dema-zapis arhanizataram da 1 lipienia.
Zajaŭka ad hurtu na ŭdzieł u konkursnaj prahramie «Basovišča» musić uklučać zapis adnoj (ci bolej) piesień pa-biełarusku na CD-nośbicie. Jašče abaviazkovymi ŭmovami źjaŭlajucca najaŭnaść 20-chvilinnaj muzyčnaj prahramy pa-biełarusku. Taksama muzyki-udzielniki na momant praviadzieńnia adboračnaha kancertu musiać mieć u pašpartoch štampiki z dazvołam na vyjezd za miažu.
Adresu dla dasyłki dema-zapisaŭ možna daviedacca, patelefanavaŭšy pa numaroch: 6855239 ci 2646974.
Usia padrabiaznaja infarmacyja pra «Basovišča-2006» rehularna źjaŭlajecca na sajcie studenty.by.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary