Abvieščanyja łaŭreaty najbujniejšaj navukovaj premii Breakthrough Prize
Unačy ź niadzieli na paniadziełak byli abvieščanyja łaŭreaty «Premii za praryŭ» — Breakthrough Prize.
Premija ŭručajecca ŭ naminacyjach «Bijałahičnyja navuki» (Life Science) — piać uznaharod pa $3 młn kožnaja, «Fundamientalnaja fizika» i «Matematyka». Ź imionami tych, chto staŭ łaŭreatam premii, možna aznajomicca na jaje aficyjnym sajcie.
Łaŭreatami hetaha hoda ŭ halinie navuk ab žyćci — bijałohii i miedycyny — stali Karł Dejserot i Edvard Bojd za ich układ u raźvićcio optahienietyki — mietodyki daśledavańnia pracy niervovych kletak, jakaja zaklučajecca va ŭkaranieńni ŭ ich miembranu śpiecyjalnych kanałaŭ (apsinaŭ), jakija reahujuć na ŭzbudžeńnie śviatłom.
Hetaja mietodyka dazvalaje pravodzić fundamientalnyja daśledavańni pracy miechanizmaŭ mozhu. Akramia taho, uznaharodu atrymali Džon Chardzi, jaki zajmajecca vyvučeńniem niejradehienieratyŭnych chvarob i vyjaviŭ hien, mutacyi jakoha vyklikajuć chvarobu Alchiejmiera; Chielen Hobs, jakaja daśleduje ŭździejańnie chalesterynu na arhanizm i raspracavała preparaty, što źnižajuć uzrovień chalesterynu ŭ arhaniźmie čałavieka i tym samym pieraškadžajuć raźvićciu sardečnaha prystupu; a taksama Svante Paaba, hienietyk, jaki rasšyfravaŭ hienom nieandertalca.
Premija ŭ halinie fundamientalnaj fiziki budzie ŭručanaja piaci daśledčym hrupam, jakija zajmalisia vyvučeńniem niejtrynnych ascylacyj, a ŭ ahulnaj kolkaści jaje atrymajuć 1300 čałaviek. Łaŭreatam «Premii za praryŭ» ŭ halinie matematyki staŭ Ian Ahał, jaki vyvučaje mnostvy.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary