Čakajucca źmieny ŭ sistemie dziaržaŭnaha sacyjalnaha strachavańnia i piensijnaha zabieśpiačeńnia. Adpaviednuju pastanovu padpisaŭ premjer-ministr Biełarusi Alaksandr Turčyn. Dakumient byŭ pryniaty dla realizacyi pałažeńniaŭ Zakona ad 12 lipienia 2025 hoda № 90-Z, jaki ŭnosić źmieny ŭ zakanadaŭstva pa hetych pytańniach.
Pastanova praduhledžvaje šerah novaŭviadzieńniaŭ. U suviazi sa źjaŭleńniem novych vidaŭ dziejnaści i katehoryj płacielščykaŭ vyznačajecca paradak pastanoŭki na ŭlik i źniaćcia z uliku asobnych hrup płacielščykaŭ abaviazkovych strachavych uznosaŭ u Fond sacyjalnaj abarony nasielnictva.
Heta tyčycca, u pryvatnaści, filijałaŭ zamiežnych jurydyčnych asob, nataryusaŭ, advakataŭ, a taksama fizičnych asob, jakija samastojna vypłačvajuć uznosy, u tym liku tych, chto viadzie asabistuju padsobnuju haspadarku, pracuje miedyjatarami abo traciejskimi sudździami.
Taksama źmianiajecca paradak raźliku dapamoh pa časovaj niepracazdolnaści dla asob, jakija sami płaciać abaviazkovyja strachavyja ŭznosy. Udakładniajucca praviły vypłaty ŭznosaŭ pa vydatkach na takija dapamohi, što nie byli pryniatyja da zaliku, a taksama terminy viartańnia lišnie vypłačanych sum atrymalnikami.
Asobna praduhledžvajecca prava na minimalny pamier dapamohi pa časovaj niepracazdolnaści, raźličany ź minimalnaj zarabotnaj płaty, dla maładych śpiecyjalistaŭ, jakija ŭ raźlikovym pieryjadzie navučalisia va ŭstanovach dzionnaj formy navučańnia.
Akramia taho, płanujecca aptymizavać padaču źviestak u FSAN z boku najmalnikaŭ pry pryjomie i zvalnieńni rabotnikaŭ, u tym liku pavialičyć termin padačy źviestak pa formie PU-2. Dakumientam praduhledžanyja i inšyja źmieny.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary