Alaksandr Łukašenka ŭchvaliŭ novy płan prymianieńnia rehijanalnaj hrupoŭki vojskaŭ Biełarusi i Rasii dla razhladu na pasiadžeńni Vyšejšaha dziaržaŭnaha savieta Sajuznaj dziaržavy. Płan, jaki budzie dziejničać u budučaj piacihodcy, pradstaŭleny siońnia kiraŭniku dziaržavy ministram abarony Andrejem Raŭkovym.
Novy piacihadovy płan padlahaje zaćviardžeńniu na pasiadžeńni Vyšejšaha dziaržaŭnaha savieta, dzie staršyniuje Biełarusi. Heta budzie adno z centralnych pytańniaŭ paradku dnia. Čakajecca, płan ustupić u siłu ŭ studzieni nastupnaha hoda.
Alaksandr Łukašenka pacikaviŭsia, nakolki jon ŭličvaje novyja tendencyi, źmieny abstanoŭki vakoł Biełarusi.
Na dumku kiraŭnika dziaržavy, pytańnie nieabchodna razhladać u kantekście ŭzajemaadnosin na postsavieckaj prastory, dzie funkcyjanujuć try bujnyja intehracyjnyja abjadnańni (SND, JEAES i Sajuznaja dziaržava), a taksama raźvićcia situacyi ŭ sumiežnych dziaržavach.
«Usim viadoma, što va Ukrainie robicca, — padkreśliŭ Alaksandr Łukašenka. — My z hetym nie možam nie ličycca».
Jon dadaŭ, što davodzicca ŭličvać situacyju, jakaja tam skłałasia, patok nielehałaŭ, zbroi i hetak dalej.
Kiraŭnik dziaržavy źviarnuŭ uvahu i na toje, što adbyvajecca la zachodnich miežaŭ Biełarusi, dzie nazirajecca ŭzmacnieńnie hrupoŭki Paŭnočnaatłantyčnaha aljansu (NATO), u pryvatnaści, vajenna-pavietranaj i naziemnaj składnikam.
«My taksama heta viedajem. My viedajem ab pašyreńni sistemy PRA Złučanych Štataŭ Amieryki na Zachadzie, viedajem taksama pra niejkija zadumy pa jadziernaj zbroi. Usio heta nam pryjdziecca ŭličvać», - skazaŭ Prezident.
Jak było paviedamlena kiraŭniku dziaržavy, źmieny źniešniaj abstanoŭki byli ŭ maksimalnaj stupieni uličanyja ŭ płanie. Akramia taho, Alaksandr Łukašenka aznajomiŭsia z tym, jak pradstaŭleny intaresy i padychody Biełarusi ŭ arhanizacyi, budaŭnictvie i prymianieńni rehijanalnaj hrupoŭki vojskaŭ. Kiraŭniku dziaržavy taksama było paviedamlena ab źmienach, jakija prapanuje ŭnieści ŭ novy płan Rasija.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary