Vadzim Biezkaravajny, jaki abvinavačvaŭsia ŭ łondanskim sudzie ŭ padrychtoŭcy napadu na rasiejskuju ambasadu ŭ adpaviednaści z artykułam ab teraryźmie, pryznany nievinavatym sudom prysiažnych zasiadacielaŭ.
Prysiažnyja abviaścili svoj vierdykt u piatnicu.
Vadzim Biezkaravajny tym nie mienš pakul nie vypuščany na volu, bo ministru ŭnutranych spraŭ Vialikabrytanii treba budzie vyrašyć pytańnie ab jaho departacyi.
Biezkaravajny nie maje prava na žycharstva ŭ Vialikabrytanii, dzie jon pražyvaŭ nielehalna pa polskim pašparcie na imia Karala Bialeckaha. U 2014 hodzie jon byŭ aryštavany i asudžany na try hady za vykarystańnie čužych dakumientaŭ. Jaho termin źniavoleńnia byŭ skaročany i aficyjna skončyŭsia niekalki tydniaŭ tamu.
Nieŭzabavie paśla aryštu jamu było pradjaŭlenaje novaje abvinavačańnie — pa artykule ab teraryźmie.
Departacyja Vadzima Biezkaravajnaha, jaki naradziŭsia va Ukrainie, na radzimu ŭskładniajecca tym, što jon straciŭ usie dakumienty, jakija paćviardžajuć jaho ŭkrainskaje hramadzianstva, kali ŭ 12-hadovym uzroście razam ź siamjoj emihravaŭ u Arhientynu.
Raniej Biezkaravajny biespaśpiachova sprabavaŭ adnavić svajo ŭkrainskaje hramadzianstva.
Ciapier čytajuć
Łukašenka niezadavoleny vice-premjerkaj Natallaj Piatkievič — «buksuje»19
Kamientary