Departamient statystyki Litvy ŭ trecim kvartale hetaha hoda zafiksavaŭ rost siaredniaha zarobku prykładna na 3%, a za hod — bolš za 5%.
Siaredni miesiačny zarobak u Litvie ŭ trecim kvartale 2015 składaŭ 735,1 jeŭra (14,1 młn biełaruskich rubloŭ), u dziaržaŭnym siektary — 755,3 jeŭra, u pryvatnym — 724,7 jeŭra biez uliku vypłaty padatkaŭ, paviedamlaje Departamient statystyki Litvy.
U paraŭnańni z druhim kvartałam 2015 hoda, siaredni zarobak vyras na 3% da ŭpłaty padatkaŭ: u dziaržaŭnym siektary — 2,1%, u pryvatnym — 3,5%.
Siaredni zarobak paśla vypłaty padatkaŭ skłaŭ 569,0 jeŭra (pa siońniašnim kursie — 10,9 młn biełaruskich), i, u paraŭnańni z druhim kvartałam, uzros na 2,7%: u dziaržaŭnym siektary — 583,6 jeŭra (11,2 młn biełaruskich ), abo na 1,9% bolš, u pryvatnym — 561,5 jeŭra, abo na 3,2% bolš.
Pa źviestkach Departamienta statystyki, rost zarpłaty ŭ trecim kvartale 2015 pa paraŭnańni z druhim kvartałam, abumoviła bolšaja kolkaść pracoŭnych hadzin, siezonnaść, pavyšeńnie z 1 lipienia zarobku rabotnikam kultury i mastactva, i pavyšeńnie minimalnaha zarobku (da 325 jeŭra), a taksama inšyja pryčyny.
Ekanamist banka Nordea Žyhimantas Maŭrycas adrazu paśla abviaščeńnia vynikaŭ u svaim profili ŭ sacyjalnaj sietcy napisaŭ, što heta jašče nie kaniec.
«Vahi schililisia ŭ bok pracujučych, i, kali ŭličvać demahrafičnyja vykliki, naŭrad ci ŭ bližejšy čas schilacca nazad u bok pracadaŭcaŭ», — adznačyŭ jon.
Čytać taksama: Siaredni zarobak u Biełarusi padaje treci miesiac zapar
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary