Supracoŭnikami adździeła kryminalnaha vyšuku Savieckaha RUUS Minska za ŭčynieńnie dvuch rabavańniaŭ zatrymany raniej sudzimy biespracoŭny 29-hadovy hramadzianin Rasii.
Jak paviedamlaje HUUS Minharvykankama, apieratyŭniki vyjavili, što zatrymany na praciahu adnych sutak ździejśniŭ rabavańnie i zamach na rabavańnie.
U pieršym vypadku achviaraj złačynnych dziejańniaŭ zamiežnika staŭ jaho novy pryjaciel, ź jakim jon toj ža nočču paznajomiŭsia la ŭvachodu ŭ adnu sa staličnych kram. Paśla sumiesnaha raśpićcia śpirtnoha mužčyna ŭdaryŭ pryjaciela, a kali toj apynuŭsia na ziamli ŭ nieśviadomym stanie, źniaŭ ź jaho kurtku, krasoŭki, hadzińnik i ŭciok.
Praź niekalki hadzin padazravany paznajomiŭsia na vulicy z žančynaj, jakaja zaprasiła jaho da siabie dadomu. Užo ŭ padjeździe mužčyna vyrvaŭ u jaje z ruk sumačku i pasprabavaŭ uciačy, adnak byŭ zatrymany ŭ dvary doma supracoŭnikami orhanaŭ unutranych spravaŭ i vajskoŭcami ŭnutranych vojskaŭ.
«U dačynieńni da hramadzianina raspačatyja dźvie kryminalnyja spravy pa fakcie ździajśnieńnia rabavańnia i zamachu na rabavańnie, — raspavioŭ namieśnik načalnika Savieckaha RUUS Pavieł Siamižon. — Pakarańnie za rabavańnie kryminalnaje zakanadaŭstva praduhledžvaje ŭ vyhladzie pazbaŭleńnia voli terminam da šaści hadoŭ».
Kamientary