Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu

Biełaruskaja prapahandystka Maryja Piatraška, jakaja pierabrałasia ŭ Maskvu, vyrašyła adśviatkavać svoj dzień naradžeńnia ŭ Izraili.

Jaje adpačynak supaŭ z abvastreńniem kanfliktu pamiž Izrailem i Iranam. Maryja pakazvała padpisčykam u instahramie, jak akunałasia ŭ raku Iardan u tym samym miescy, dzie chryściŭsia Isus, a taksama płavała ŭ Miortvym mory pad pieśniu «Chava Nahiła».

Naviedała Maryja i Paleścinu. Joj spadabałasia: «U Paleścinie dobryja mašyny, idzie handal, ludzi raściać dziaciej, molacca, pravasłaŭnyja śviatyni ŭ cełaści i zachavanaści, vulicy pierapoŭnienyja, navat pryhožyja, niezvyčajnyja».

Pavialičyć

Z suśvietnych navin Maryja žartavała. Pisała, što «zaskočyła ŭ Izrail na ahieńčyk», a taksama zachaplałasia adzinym samalotam, jaki byŭ u niebie nad Iranam padčas bambiožak: hety byŭ rejs z Dubaja ŭ rasijski Surhut — astatnija samaloty źmianili kurs z-za rakiet.

Ahułam bambiožki nie sapsavali žyćcio Maryi — jana napisała, što heta byŭ jaje najlepšy adpačynak.

Pavialičyć

Darja Račko, jakuju prazvali samaj maładoj zorkaj biełaruskaj prapahandy, taksama zaraz znachodzicca ŭ adpačynku — užo dva tydni tusić u Dubai.

Dziaŭčyna navat vychodziła ŭ efir Pieršaha infarmacyjnaha telekanała, kab raspavieści pra abstanoŭku. Uzrovień dramy ŭ jaje videa zaškalvaje: «Kalehi, ja b chacieła skazać, što ranica dobraja, ale hetuju noč ja praktyčna nie spała. Jašče ź viečara pačali prychodzić paviedamleńni, kab my zastavalisia na svaich miescach. Unačy byli ekstrannyja paviedamleńni, kab nieadkładna šukać chovanki ŭ bližejšym budynku, trymacca dalej ad voknaŭ, dźviarej, adkrytych placovak. U hatelach jość bambaschoviščy, kudy taksama možna spuścicca. Unačy bieśpiłotnik udaryŭ pa mižnarodnym aeraporcie Dubaja».

U nastupnym videa Darja ŭžo bolš spakojnaja: kaža, paniki nijakaj niama, ludzi praciahvajuć hulać pa vulicach.

Niechta ź jaje siabroŭ pažartavaŭ: «Kali chacieła być mižnarodnaj žurnalistkaj, ale nie ŭdakładniła Suśvietu detali».

Były futbalist Viačasłaŭ Hleb razam z žonkaj i 7‑miesiačnym synam palacieŭ u adpačynak u Dubaj. Dla maleńkaha Lavona heta stała pieršaj vandroŭkaj u žyćci.

Pavialičyć

Šmatlikija padpisčyki Volhi zavalili jaje pytańniami, jak im adpačyvajecca ŭ Dubai ŭ taki niespakojny pieryjad. Błohierka ž ličyć, što hałoŭnaje — zachoŭvać pazityŭny nastroj. Jana demanstruje, što atrymoŭvaje asałodu ad adpačynku niahledziačy ni na što.

Pavialičyć

Błohiery Arciom i Tais Rybakiny letaś vosieńniu pierajechali razam ź dźviuma dočkami z Paŭnočnaha Kipra ŭ Dubaj.

Tais u storys vidavočna niervujecca. Jana raspaviadała padpisčykam, jak pajechała na sustreču ź siabroŭkaj, a starejšaja dačka dasłała videa z palotam bieśpiłotnika. Kaniečnie, paśla takich navin błohierka adrazu viarnułasia dadomu.

Taksama Tais raspaviadała, jak u ich nie atrymałasia adpačyć la basiejna — usich paprasili prajści ŭ schovišča.

Błohierka kaža, što jaje baćki vielmi chvalujucca i hatovyja šukać lubyja mahčymaści, kab Rybakiny viarnulisia ŭ Biełaruś. Tais taki varyjant nie razhladaje: «Ale samaje dziŭnaje — my nie chočam nikudy źjazdžać. Nie praz admaŭleńnie taho, što adbyvajecca, a tamu, što ŭnutry jość viera i spakoj. Ja nikoli nie adčuvała takoha pačućcia ni ŭ adnoj krainie. Navat u momanty mienš značnych tryvoh ci ziemlatrusaŭ… Tut adčuvajecca sistemny kantrol. I paśla ŭsiaho, što adbyłosia, my vierym u Dubaj jašče bolš, čym raniej».

• 0
• 3
• 5
• 2
• 0
• 0
• 0
• 0