Aŭtary najlepšych biełaruskich rok-albomaŭ dvuch apošnich hod syšlisia razam, kab zapisać pieśniu «Maroznaja» dla prajektu «Novaje pakaleńnie na Novy hod».
Siarhiej Pukst zapisaŭ najlepšy rok-albom 2013 hodu pa viersii Experty.by, aTonqiXod uziaŭ pieramohu ŭ hetaj ža naminacyi ŭ nastupnym hodzie. Raniej muzyki nidzie nie sutykalisia, tym cikaviej było pačuć ich u duecie.
«My ŭžo mieli peŭnyja muzyčnyja napracoŭki, ale ŭ zakončanuju pieśniu ŭsio skłałasia mienavita dziakujučy prajektu, daviałosia papracavać.
Pieradusim – napisać tekst, jaki b, z adnaho boku, adpaviadaŭ zadumie navahodniaha kancerta, a z druhoha, byŭ by dla nas samich prymalny, a nia niejkaja prynahodnaja tematyčnaja prypieŭka, za jakuju potym budzie soramna. Tak što Uładziu sa słovami daviałosia pavajavać», — raspaviadaje kłavišnik hurta Maksim Subač.
Aŭtar pieśni Uładź Lankievič kaža, što napisaŭ ažno try varyjanty tekstu, i tolki apošni jaho zadavoliŭ. «Pieśnia natchnionaja kazkaj Andersena pra Śniežnuju karalevu, padziei jakoj adbyvajucca ŭ sučasnym horadzie. I ty ŭ roliKaja, ty byŭ niezadavoleny navakollem, mahčyma, na niekaha kryŭdavaŭ, i voś ciabie zabirajuć adsiul i spačatku heta fajna, jak by novaja pryhoda niejkaja, ale paśla blizkaha realnaha kantaktu z hetym «inšym» vyjaŭlajecca, što ŭsio heta nie hulnia i ty prosta taki biez kurtki nočču na marozie siarod niejkaha pustyra staiš i nia možaš pavarušycca», – zaznačaje vakalist TonqiXod.
Dla Siarhieja Puksta duet z TonqiXod apynuŭsia cikavym dośviedam. «Adrazu ź pieršych chvilinaŭ pracy miž nami ŭstalavałasia pačućcio ŭzajemnaj niepryjaznaści, jakoje da da kanca pieršaj repietycyi pierarasło ŭ lutuju nianaviść, – kaža Siarhiej. – My rahatali jak koni ŭvieśčasna, padkładali adzin adnamu pietardy i naahuł vydatna paviesialilisia. Niejkim dziŭnym čynam atrymaŭsia trek». «Ź Siarhiejem było prosta i, hałoŭnaje, viesieła, – paćviardžaje Ŭładź Lankievič. – Daviałosia jaho jaho trochi pamučyć, ale zdajecca, što vobraz padmarožanaha chłopčyka jamu vielmi pasuje».
Pieśnia «Fajerverkami» była zapisanaja dla prajektu «Novaje pakaleńnie na Novy hod», videaversiju jakoha možna pahladzieć u noč z 31 śniežnia 2015 na 1 studzienia 2016 hodu na telekanale «Biełsat». Pačatak efiru ŭ 23.15 (pa biełaruskim časie).
Kamientary