Fond baraćby z karupcyjaj, uznačaleny rasijskim apazicyjanieram Alaksiejem Navalnym, padaŭ čarhovy — čaćviorty — pazoŭ na hienprakurora Juryja Čajku ŭ čatyry maskoŭskija sudy. Pazovy taksama padadzienyja suprać šaści rasijskich ŚMI, jakija raspaŭsiudzili zajavu hienprakurora.
Papiarednija try pazovy ab abaronie honaru i hodnaści, padadzienyja FBK u dačynieńni da Čajki, byli adkinutyja maskoŭskimi sudami.
Pazovy vyklikanyja zajavami Čajki, zroblenymi im paśla publikacyi rasśledavańnia FBK pra biźnies-intaresy synoŭ hienprakurora. U pryvatnaści, paplečniki Navalnaha abvinavacili ich u suviaziach z kryminalnymi strukturami.
Jak pakazvajecca na sajcie Navalnaha, u Haharynski rajonny sud padadzieny pazoŭ na Čajku i RBK, u Astankinski rajonny sud — na Čajku i «Viedomosti», u Ćviarski rajonny sud — na hienprakurora i «Kommiersant», u Astankinski rajonny sud — na Čajku i « Dožd́ «, u Ćviarski rajonny sud — na Čajku i «Słon» i ŭ Preśnienski rajonny sud — na hienprakurora i «Echo Moskvy».
Jak patłumačyŭ apazicyjanier, pazovy suprać ŚMI nakiravanyja tolki dla taho, kab pavysić šancy dla razhladu pazovu ŭ dačynieńni da hienprakurora.
«Zahadzia prašu prabačeńnia pierad pavažanymi ŚMI za niazručnaści, nažal, my vymušany zrabić ich farmalnymi adkazčykami, kab prymusić sudy pryniać našy pazovy i, naohuł, pasprabavać znajści sud, hatovy razhledzieć naš pazoŭ», - piša Navalny.
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać6
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary